🕒 1 min read
बीड : कोरोना काळात शासनाने ग्रामीण भागातील हॉस्पिटलसाठी महानगरपालिका हद्दी क्षेत्रातील हॉस्पिटलचे जे दर लागू केले आहेत ते कमी करण्यात यावे अशी मागणी राष्ट्रवादी युवक काँग्रेसचे प्रदेशाध्यक्ष मेहबूब शेख यांनी केली आहे. याबाबत राज्याचे आरोग्यमंत्री राजेश टोपे यांना निवेदन देण्यात आले आहे.
शेख यांच्या म्हणण्यानूसार, शहरी भागात शासनाने लागू केलेले दर योग्य आहेत. पण ग्रामीण भागात हे दर जास्त आहेत. एक प्रकारे राष्ट्रवादीच्या मेहबूब शेख यांनी आरोग्यमंत्री राजेश टोपेंना घरचा आहेर देत शालेतून जोडे लगावल्याची चर्चा राजकीय वर्तुळात सुरू आहे.
मुंबई येथे राष्ट्रवादी युवक काँग्रेसच्या वतीने आरोग्य मंत्री राजेश टोपे यांची या संदर्भात महेबूब शेख यांनी भेट घेऊन ग्रामीण भागातील कोविड हॅास्पीटलचे दर कमी करावेत या मागणीचे निवेदन त्यांनी दिले आहे. शासनाने नॉर्मल बेडसाठी दोन हजार, ॲक्सिजन बेडसाठी चार हजार, आयसीयूसाठी सात हजार रुपये दर निश्चित केला आहे.
सदरील दर हे महानगरपालिका क्षेत्रासाठी योग्य आहेत. पण ग्रामीण भागात हे दर कमी करावेत अशी मागणी मेहबूब शेख यांनी केली आहे. यावर सकारात्मक विचार करुन दरामध्ये सुधारणा करणार असल्याचे आश्वासन यावेळी आरोग्यमंत्री राजेश टोपे यांनी महेबूब शेख यांना दिले.
दरम्यान, गेल्या काही महिन्यांपूर्वी एका महिलेने राष्ट्रवादी काँग्रेसचे युवक प्रदेशाध्यक्ष मेहबूब शेख यांच्यावर अत्याचाराचे आरोप केले होते. त्यावरून शेख यांच्यावर औरंगाबाद पोलिसांत गुन्हाही दाखल आहे. पण काही दिवसांपूर्वी मेहबूब शेख यांच्या तक्रारीवरून शरद पवार यांच्याविषयी बदनामीकारक लिखाण करून त्यांची प्रतिमा मलिन करणे, त्यांना जिवे मारण्याच्या धमक्या दिल्याप्रकरणी फेसबुक आणि ट्विटर वरील २७ अकाउंटवर बीडच्या शिरूर कासार पोलीस ठाण्यात गुन्हा दाखल करण्यात आला.
महत्वाच्या बातम्या
- बंगाल हिंसाचाराचा निषेध अंगलट, बीडमध्ये प्रवीण दरेकरांवर गुन्हा
- ‘बंगालमध्ये सर्वांना तत्काळ मोफत लस द्या’, ममतांचे पंतप्रधान मोदींना पत्र
- पाकिस्तानला चपराक! काश्मीरप्रश्नी भारत-पाकने चर्चेतून तोडगा काढावा, संयुक्त राष्ट्राचे आवाहन
- ‘पश्चिम बंगालमध्ये अराजकता, राष्ट्रपती राजवट लागू करा’, गिरीश महाजनांची मागणी
- धक्कादायक! पश्चिम बंगालमध्ये ममता समर्थकांकडून केंद्रीय मंत्र्यांच्या गाडीवर हल्ला
बातम्यांसाठी YouTube चॅनेल Subscribe करा
Subscribe Now
