सचिनने खराब गोलंदाजी करायला सांगितल्याचा पाकिस्तानच्या ‘या’ खेळाडूचा खळबळाजनक दावा

🕒 1 min read

मुंबई : भारत पाकिस्तान हे क्रिकेटच्या मैदानावर जेव्हा जेव्हा आमनेसामने येतात तेव्हा अत्यंत अटीतटीचा सामना पहायला मिळतो. दोन्ही क्रिकेट संघासाठी क्रिकेटचा सामना म्हणजे जणु धर्मयुद्धच. भारत पाकिस्तान सामना बहुतेक वेळा भारतीय फलंदाजी विरुद्ध पाकिस्तानची वेगवान गोलंदाजी असा होतो. काही दिवसापुर्वी पाकिस्तानच्या एका क्रिकेटपटुने भारताचा महान क्रिकेटपटु सचिन तेंडुलकरबाबत एक धक्कादायक विधान केले आहे.

पाकिस्तान संघाचा माजी खेळाडू सईद अजमलने नुकत्याच दिलेल्या एका मुलाखतीत सचिन तेंडुलकरने एकदा त्याला खराब गोलंदाजी कर म्हणून सांगितले होते. असा दावा केला आहे. या मुलाखतीत तो म्हणाला की, ‘इंग्लंडमध्ये एकदा मी आणि सचिन एमसीसीसाठी २०१४ मध्ये एक प्रदर्शनीय सामना खेळत होतो. त्यावेळी मी गोलंदाजी करताना चांगले प्रदर्शन केले आणि चार गडी बाद केले होते. यानंतर सचिन माझ्याजवळ आला’ आणि म्हणाला, ‘हा सामना केवळ मनोरंजनासाठी आहे, इतक्या गंभीरतेने गोलंदाजी करु नको, येथील प्रेक्षकासाठी हा सामना संध्याकाळपर्यंत सुरु राहिला पाहिजे. पण तु चांगली गोलंदाजी केली तर सामना लवकर संपेल.’ असे म्हणाला.

Why sachin Tendulkar stopped Saeed Ajmal for good bowling during a match ? pic.twitter.com/jTtdeNVW2m

— Saleem Khaliq (@saleemkhaliq) May 23, 2021

यावर उत्तर देताना सईद म्हणाला की, ‘मी ज्या फलंदाजांना गोलंदाजी केली ते जागतीक दर्जाचे होते म्हणून मी माझी सर्वोत्तम गोलंदाजी केली.’ यावर सचिनने सांगितले की या सामन्यातून मिळणारा निधी गरजुसाठी दिला जाणार आहे. जर सामना जास्त वेळ चालला तर त्यांना जास्त निधी देता येईल असे अजमल म्हणाला. हे कारण ऐकल्यानंतर मी साधारण गोलंदाजी केली होती असे सईद अजमलने सांगितले. २०१४ मध्ये एमसीसी इलेव्हन विरुद्ध रेस्ट ऑफ वर्ल्ड सामन्यात सचिन एमसीसीचे नेतृत्व करताना केले होते. लंडन येथे झालेल्या या सामन्यात एमसीसीने ७ गडी राखुन विजय मिळवला होता.

महत्वाच्या बातम्या

• रेड झोनमधील ‘या’ १४ जिल्हे वगळता लॉकडाऊन शिथिल होण्याची शक्यता
• ‘पंतप्रधान मोदींना वाटतं मराठा आरक्षण हा राज्याचा विषय, त्यामुळेच ते संभाजीराजेंना भेटले नाहीत’
• अमृता सिंगसोबत साखरपुड्यानंतर मोडले होते रवी शास्त्री यांचे लग्न
• ‘राज्य सरकार आमच्यामुळे आहे, सरकारमुळे आम्ही नाही’, काँग्रेसचा सेना, राष्ट्रवादीला इशारा
• उत्तर प्रदेश हे आता ‘नाथांचे नसून अनाथांचे राज्य’