रिक्षाचालकाची हत्या करणाऱ्या तिघांची हर्सुल कारागृहात रवानगी

औरंंगाबाद : रिक्षाचालक तरुणाच्या हत्येप्रकरणात एमआयडीसी सिडको पोलिसांनी अटक केलेल्या आसेफ मुसा शेख, शेख जब्बार शेख सत्तार आणि रईस मुसा शेख या तिघांची हर्सुल कारागृहात न्यायालयीन कोठडीत रवानगी करण्याचे आदेश प्रथम वर्ग न्यायदंडाधिकारी बी.एम. पोतदार यांनी शुक्रवारी (दि.४) दिले.

शेख वसीम शेख फरीद उर्फ शाहरुख (वय २६, रा. इंदिरानगर, न्यू बायजीपुरा) याची शनिवारी मध्यरात्री नारेगाव परिसरातील दर्गा मस्जिदीसमोरील रस्त्यावर आर्थिक वादातून चाकूने भोसकून हत्या करण्यात आली होती. याप्रकरणी मृताचा रिक्षाचालक भाऊ शेख नफिस शेख फरीद याने तक्रार दिली आहे.

त्यावरून वरील तिघा आरोपींना रविवारी अटक करण्यात आली. आरोपींकडून मृताच्या अंगावरील बूट, हत्येसाठी वापरण्यात आलेले शस्त्र, गुन्ह्याचा उद्देश, गुनह्यात आणखी कोणा-कोणाचा सहभाग आहे, याचा तपास करण्यासाठी न्यायालयाने त्यांना ४ जूनपर्यंत पोलीस कोठडीत ठेवणयाचे आदेश दिले होते. कोठडीची मुदत संपल्याने आरोपींना शुक्रवारी न्यायालयात हजर करण्यात आले होते.

महत्त्वाच्या बातम्या 

• शिवराज्याभिषेक सोहळ्यानिमित्त संभाजीराजेंचं नवं ट्वीट; म्हणाले, यंदाचा सोहळा…
• अभिनेत्री यामी गौतमने चाहत्यांना दिला सुखद धक्का, दिग्दर्शकासोबत बांधली लग्नगाठ
• डब्लुटीसी फायनल संदर्भात ‘ब्रेट ली’ची सावध प्रतिक्रीया, म्हणाला…
• पंजाबमध्ये अमरिंदर सिंह विरुद्ध सिद्धू वाद चिघळला; निवडणुकीपूर्वी काँग्रेसमध्ये घमासान
• ‘राज्य सरकारने मराठा आरक्षणासाठी नेमलेल्या भोसले समितीत मराठाद्वेषी सदस्य’