नारेगाव परिसरातील ‘त्या’ प्रकरणात तिन्ही आरोपींना पोलीस कोठडी

औरंंगाबाद : रिक्षाचालक तरुणाच्या हत्येप्रकरणात एमआयडीसी सिडको पोलिसांनी शेख जब्बार शेख सत्तार (वय २७), आसेफ मुसा शेख (वय २६) व रईस मुसा शेख (वय २८, रा. तिघेही बिस्मिल्ला कॉलनी, नारेगाव) या तिघांना अटक केली आहे. अटकेत असलेल्या तिघांना ४ जूनपर्यंत पोलिस कोठडीत ठेवण्याचे आदेश प्रथमवर्ग न्यायदंडाधिकारी न्या. ए. एस. कांबळे यांनी दिले आहेत.

शेख वसीम शेख फरीद उर्फ शाहरुख (वय २६, रा. सिकंदर हॉल गल्ली, इंदिरानगर, न्यू बायजीपुरा) या रिक्षाचालकाची शनिवारी मध्यरात्री नारेगाव परिसरातील दर्गा मस्जिदीसमोरील रस्त्यावर आर्थिक वादातून चाकूने भोसकुन हत्या करण्यात आली होती.

याप्रकरणी मृताचा रिक्षाचालक भाऊ शेख नफिस शेख फरीद याने दिलेल्या तक्रारीवरून शेख जब्बार शेख सत्तार, आसेफ मुसा शेख व रईस मुसा शेख यांच्याविरूध्द गुन्हा दाखल करण्यात आला होता. गुन्हा दाखल झाल्यावर एमआयडीसी सिडको पोलिसांनी तपासाची चक्रे फिरवून तिघांना गजाआड केले. अटकेत असलेल्या तिघांनाही न्यायालयाने ४ जूनपर्यंत पोलीस कोठडीत ठेवणयाचे आदेश दिले.

महत्वाच्या बातम्या

• ‘सरकारने शरियत कायद्यामध्ये हस्तक्षेप केल्याने करोना आणि चक्रीवादळांसारख्या आपत्ती आल्या’
• राज्याच्या जीएसटी वसुलीत मोठी घट, लॉकडाऊनच्या निर्बंधांचा अर्थव्यवस्थेला फटका
• दीपिका सिंह नव्या डान्स व्हिडीओमुळे पुन्हा एकदा सोशल मीडियावर झाली ट्रोल…
• अंकिता लोखंडेचा चाहत्यांना ‘गुड बाय’ ; पोस्ट शेअर करत दिली माहिती
• ‘लसीकरणाबाबत केंद्राची पॉलिसी स्पष्ट नाही; रोज नवीन नियमांची होतेय घोषणा’