‘राज्याच्या आरोग्यमंत्र्यांना ही किरकोळ घटना वाटते; आरोग्यमंत्री इतका संवेदनहीन असू शकतो?’

🕒 1 min read

मुंबई : नाशिक मधील डॉ. झाकीर हुसेन रुग्णालयातील ऑक्सिजन टाकीच्या पाईप लाईनला बुधवारी (दि. २१) साडेबारा वाजेच्या सुमारास गळती लागली होती. यामुळे सुमारे दीड ते दोन तास रुग्णालयातील ऑक्सिजन पुरवठा खंडित झाला होता. धक्कादायक बाब म्हणजे १२० हुन अधिक गंभीर रुग्ण हे व्हेंटिलेटर आणि ऑक्सिजन वर अवलंबून होते.

ऑक्सिजन पुरवठा खंडित झाल्याने २२ रुग्णांना आपला जीव गमवावा लागला असून अक्षरशः श्वास घेता न आल्याने त्यांचा तडफडून मृत्यू झाला आहे. या कोरोना बाधित रुग्णांच्या मदतीला नातेवाईक धावून जात त्यांच्या छातीवर दाब टाकून जीव वाचवण्याचा प्रयत्न करत होते. मात्र, ऑक्सिजन अभावी रुग्णांनी प्राण सोडला. हे दृश्य हृदय पिळवटून टाकणारे व गंभीर असल्याने देशाच्या पंतप्रधानांपासून ते इतर राज्यांच्या मुख्यमंत्र्यांनी देखील संवेदना व्यक्त केल्या आहेत.

दरम्यान, या घटनेनंतर भाजप आमदार अतुल भातखळकर यांनी आरोग्यमंत्री राजेश टोपे यांना लक्ष्य केलं आहे. ‘ऑक्सीजन गळतीमुळे २२ रुग्णांचे तडफडून मृत्यू झालेले असताना आरोग्यमंत्र्यांना मात्र ऑक्सिजन गळती लगेच थांबवल्यामुळे ऑक्सिजन फार वाया गेला नाही ही “मायनर” अर्थात किरकोळ घटना वाटते. राज्याचा आरोग्यमंत्री इतका संवेदनहीन असू शकतो? या दुर्घटनेतील मृत हे सरकारच्या नियोजन शून्य, बेजबाबदार आणि भ्रष्ट कारभाराचे बळी आहेत,’ असा घणाघात अतुल भातखळकर यांनी केला आहे.

ऑक्सीजन गळतीमुळे २२ रुग्णांचे तडफडून मृत्यू झालेले असताना आरोग्यमंत्र्यांना मात्र ऑक्सिजन गळती लगेच थांबवल्यामुळे ऑक्सिजन फार वाया गेला नाही ही "मायनर" अर्थात किरकोळ घटना वाटते. राज्याचा आरोग्यमंत्री इतका संवेदनहीन असू शकतो? pic.twitter.com/fVIoTDhcbf

— Atul Bhatkhalkar (@BhatkhalkarA) April 21, 2021

महत्वाच्या बातम्या

• नाशिक : बेपर्वाई झाली असेल तर त्यांना कडक शासन व्हायलाच हवं – राज ठाकरे
• नाशिकच्या घटनेने मन सुन्न, मी निःशब्द – तुकाराम मुंढे
• माझी मम्मी तडफडून मेली हो…;रुग्णालयात लेकीचा हृदयद्रावक आक्रोश
• ‘केद्रांची लसीकरण मोहीम नोटबंदीप्रमाणेच, फायदा केवळ उद्योपतींनाच’, राहुल गांधींचा हल्लाबोल
• ‘महाराष्ट्रासाठी ऑक्सिजन आणायला गेलेल्या रेल्वेचा खोळंबा, रेल्वेमंत्र्यांनी राजीनामा द्यावा’