नाशिकच्या घटनेने मन सुन्न, मी निःशब्द – तुकाराम मुंढे

नाशिक : नाशिकमधील डॉ. झाकीर हुसेन रुग्णालयातील ऑक्सिजन टाकीच्या पाईप लाईनला बुधवारी (दि. २१) साडेबारा वाजेच्या सुमारास गळती लागली. त्यामुळे एकच खळबळ उडाली आहे. गळती आटोक्यात आली असून वैद्यकीय सेवा पूर्ववत करण्यात आली आहे.

नाशिकमध्ये आधीच ऑक्सिजनची कमालीची कमतरता आहे. गंभीर बाब म्हणजे या रुग्णालयात गंभीर प्रकृती असलेले सुमारे १२० हुन अधिक रुग्ण हे व्हेंटिलेटर व ऑक्सिजनवर होते. आतापर्यंत या दुर्घटनेमुळे ऑक्सिजन अभावी २२ रुग्णांचा मृत्यू झाला असून हा आकडा अधिक वाढण्याची भीती व्यक्त केली जात आहे. हे प्रकरण गंभीर असून तब्बल २ तास ऑक्सिजन पुरवठा खंडित झाल्याने परिस्थिती विदारक असल्याचं दिसून आलं.

दरम्यान, या दुर्घटनेननंतर आता अनेक नेत्यांच्या प्रतिक्रिया येत असून नाशिक महापालिकेच्या आयुक्तपदाचा काही काळ सांभाळ केलेले आयएएस अधिकारी तुकाराम मुंढे यांनी देखील शोक व्यक्त केला आहे. ‘नाशिक मधील घटना अत्यंत मन हेलावून टाकणारी आहे. या दुर्दैवी व देणादायी घटनेने मन सुन्न झाले असून मी निःशब्द झालो आहे. मृतांना भावपूर्ण श्रद्धांजली,’ असं तुकाराम मुंढे म्हणाले आहेत.

महत्वाच्या बातम्या

• नाशिक : बेपर्वाई झाली असेल तर त्यांना कडक शासन व्हायलाच हवं – राज ठाकरे
• ‘चीनला पूर्व लडाखमधून सैन्य मागे घ्यावेच लागेल’, भारताने सुनावले
• माझी मम्मी तडफडून मेली हो…;रुग्णालयात लेकीचा हृदयद्रावक आक्रोश
• ‘केद्रांची लसीकरण मोहीम नोटबंदीप्रमाणेच, फायदा केवळ उद्योपतींनाच’, राहुल गांधींचा हल्लाबोल
• विदेशात लस विकल्याने देशात तुटवडा, ममतांचा पंतप्रधान मोदींवर आरोप