धनगर समाजाच्या सर्वांगीण विकासासाठी राज्य सरकार कटिबद्ध – धनंजय मुंडे

🕒 1 min read

मुंबई : धनगर समाजाला आरक्षण देण्यासह शासन समाजाच्या सर्वांगीण विकासासाठी कटिबद्ध आहे. समाजाच्या सर्वांगीण विकासासाठी आदिवासी विकास विभागाच्या धर्तीवर आखलेल्या 13 विकास योजनांना भरीव निधी उपलब्ध करून देण्यात येईल, असे सामाजिक न्याय व विशेष सहाय्य मंत्री धनंजय मुंडे यांनी विधान परिषदेत सांगितले. धनगर समाजाच्या विकासासाठी करावयाच्या उपाययोजनांबाबत सदस्य शरद रणपिसे यांनी विचारलेल्या प्रश्नाला उत्तर देताना ते बोलत होते.

सन 2020-21 या कालावधीत धनगर समाजाच्या विकासासाठी तरतूद करण्यात आलेला 51 कोटी रुपये निधी कोविडचे निर्बंध असताना देखील काही प्रमाणात वितरित करण्यात आलेला असून, येत्या काळात समाजाच्या सर्वांगीण विकासासाठी राज्य सरकारच्या वतीने मोठ्या प्रमाणात निधी उपलब्ध करून देण्यात येईल, असेही सामाजिक न्यायमंत्री धनंजय मुंडे सांगितले.

यावेळी झालेल्या चर्चेत विरोधी पक्षनेते प्रवीण दरेकर, सदस्य सर्वश्री भाई जगताप, विनायक मेटे, सदाभाऊ खोत, महादेव जानकर, कपिल पाटील, गोपीचंद पडळकर यांनी सहभाग घेतला.

महत्वाच्या बातम्या 

• आयपीएल सामने मुंबईत व्हावेत ; बीसीसीआय सीईओसह असोसिएशनच्या सदस्यांनी घेतली पवारांची भेट
• रेल्वे विद्युतीकरणाचा असाही परिणाम; दोन रेल्वे गाड्या झाल्या रद्द
• घरफोडी करण्याच्या उद्देशाने छतावर लपून बसला आरोपी; नंतर घडले असे काही
• तिने गाणे गात घेतला कोरोना लसीचा डोस, पहा व्हिडिओ…
• विराटसोबतच्या वादानंतर स्टोक्सने मांडली आपली भूमिका