निवडणूक संपल्याचा परिणाम; सलग तिसऱ्या दिवशी इंधन दरवाढ

🕒 1 min read

नवी दिल्ली : पाच राज्यांतील विधानसभा निवडणूक संपताच देशात पुन्हा एकदा पेट्रोल-डिझेलचे दर वाढण्यास सुरुवात झाली. गुरुवारी सलग तिसऱ्या दिवशी पेट्रोल २५ पैसे प्रतिलिटर आणि डिझेल ३० पैसे प्रतिलिटर महाग झाले. विशेष म्हणजे भारतीय बास्केटच्या कच्च्या तेलाचा सरासरी दर एप्रिल महिन्यात ६४.४० डॉलर प्रतिबॅरल होता, तो मार्चपेक्षा (६४.७३ डॉलर प्रतिबॅरल) कमी आहे.

निवडणूक आयोगाने २६ फेब्रुवारीला पाच राज्यांच्या विधानसभा निवडणुकीची घोषणा केली होती. त्यानंतर २७ फेब्रुवारीला पेट्रोल-डिझेलची दरवाढ झाली होती. नंतर ३ मेपर्यंत दरवाढ झाली नाही. २४ मार्च, ३० मार्च आणि १५ एप्रिलला दरात किरकोळ कपात झाली होती.

२ मे रोजी निवडणूक निकाल आल्यानंतर फक्त एक दिवस दिलासा मिळाला. ४ मेपासून पुन्हा पेट्रोल-डिझेलचे दर वाढत आहेत. गेल्या तीन दिवसांत झालेल्या बदलांत पेट्रोलचे दर ५९ पैसे आणि डिझेलचे दर ६९ पैसे प्रतिलिटर असे वाढले आहेत.

महत्वाच्या बातम्या

• ‘कोरोना लसीकरणाची गती कमी होऊ देऊ नका’, पंतप्रधान मोदींचे राज्यांना आवाहन
• रेमडेसिवीर इंजेक्शन गरिबांना सरकारी शुल्कात, केंद्रीय मंत्री नितीन गडकरी यांची माहिती
• ‘पुतळ्यांसाठी २० हजार कोटी आहेत, मग लसीकरणाला ३० हजार कोटी नाहीत का?’
• बंगाल हिंसाचाराचा निषेध अंगलट, बीडमध्ये प्रवीण दरेकरांवर गुन्हा
• ‘बंगालमध्ये सर्वांना तत्काळ मोफत लस द्या’, ममतांचे पंतप्रधान मोदींना पत्र