ऐतिहासिक विजयानंतर न्यूझीलंड संघातील खेळाडू झाले भावुक ; दिली ‘ही’ प्रतिक्रिया

🕒 1 min read

इंग्लंड :  संपुर्ण देशाचे लक्ष लागुन राहिलेल्या जागतीक कसोटी चॅम्पियनशीप स्पर्धेच्या अंतिम सामन्यात न्युझीलंडने भारताचा ८ गडी राखुन पराभव करत विजेतेपद पटकावले. चौथ्या डावात भारताने दिलेले १३९ धावांचे लक्ष्य न्युझीलंडने ८ गडी राखुन सहज पार केले.

विजयानंतर न्यूझीलंडचा कर्णधार विल्यमसनने कोहली आणि भारतीय संघाचे कौतुक केले आहे. आणि चॅम्पियन होण्याची ही खास भावना आहे असे देखील म्हटलं आहे. विल्यमसन म्हणाला, ‘मी विराट आणि भारतीय संघाबद्दल कृतज्ञता व्यक्त करतो. तो एक अविश्वसनीय संघ आहेत, आम्हाला माहित होतं की त्यांच्या सोबतचा सामना आव्हानात्मक असणार आहे. आमचा संघ विजय नोंदविण्यात यशस्वी झाला याचा मला आनंद आहे.

पुढे विल्यमसन म्हणाला, ‘ही खूप खास भावना आहे. आमच्या क्रिकेट इतिहासात प्रथमच आम्ही विश्वविजेतेपद जिंकले आहे. गेल्या दोन वर्षात आमच्या संघाशी संबंधित प्रत्येक खेळाडूने यात एक भूमिका बजावली आहे. ही एक विशेष कामगिरी आहे.

यानंतर टेलरने म्हणाला की, हा विजय आमच्या आठवणीत राहील, हा विजय आमच्या कारकिर्दीतील वैशिष्ट्य ठरेल. ‘सामन्यादरम्यान बराच  पाऊस पडला, पण आमचा संघ सुरुवातीच्या संघर्षातून परत आला आणि विजयी झाला, हे मी कधीही विसरू शकत नाही, दबाव पुरेसा होता यात शंका नाही पण आम्ही त्या अनुषंगाने फलंदाजी केली.

संघाचा मुख्य गोलंदाज टिम साऊदी म्हणाला की, दोन वर्षांपूर्वी सुरू झालेल्या प्रवासाला खेळाडूंना आनंदाची समाधानाची इच्छा होती. भारताच्या दुसर्‍या डावात चार विकेट घेणारा साऊदी म्हणाला, ‘आम्ही दोन वर्षांपूर्वी हा प्रवास सुरू केला होता. येथे चॅम्पियन म्हणून बसणे विशेष आहे, त्यासाठी बरीच मेहनत घेतली आहे.

डब्ल्यूटीसीच्या अंतिम सामन्यानंतर वॅटलिंगने आंतरराष्ट्रीय करियरमधून निवृत्ती घेण्याची घोषणा यापूर्वीच केली होती. वॉटलिंग म्हणाला, ‘आमची टीम बर्‍याच काळापासून परिश्रम घेत आहे. आणि त्याचे ही त्याची समाधानकारक समाप्ती आहे. मी चॅम्पियन बनून माझ्या कारकिर्दीची समाप्ती करत आहे याचा मला खूप आनंद आहे. मी याची कधी कल्पनाही केली नव्हती.’

काइल जेम्सनला त्याच्या उत्कृष्ट गोलंदाजीबद्दल सामनावीर म्हणून गौरविण्यात आले. तो म्हणाला, ‘आमच्यासाठी हा एक मोठा क्षण आहे. आम्हाला माहित होते की, शेवटच्या दिवशी खेळाचा पहिला तास आमच्यासाठी महत्त्वपूर्ण असेल. आम्ही योग्य ठिकाणी गोलंदाजी केली. आम्हाला माहित आहे की जर आपण योग्य लांबीने गोलंदाजी केली तर आपला विजयाचा मार्ग सुकर होईल. संघाच्या विजयात मी हातभार लावला हे मला चांगले वाटते.

The @BLACKCAPS dressing room the moment Ross Taylor hit the winning runs in the #WTC21 Final ???? pic.twitter.com/FAO5vuYGd8

— ICC (@ICC) June 23, 2021

महत्वाच्या बातम्या 

• ‘आप से बेहतर उम्मीद किये थे हम’, मिम्स शेअर करत सेहवागने व्यक्त केली नाराजी
• मायकेल वॉनने पुन्हा उडविली भारतीय चाहत्यांची खिल्ली ; म्हणाला, मला माफी मागावी लागेल!
• चहलने केला जिमचा व्हिडीओ शेअर, ‘या’ क्रिकेटरने दिली सलमान खानची उपमा
• डब्ल्युटीसी फायनल! ‘गड गेला पण सिंह आला’ जडेजाची कसोटी क्रमवारीत अव्वल स्थानी झेप
• डब्ल्युटीसी फायनल! जेतेपद गमावले, मात्र अश्विनने रचला इतिहास