पुणे : कोरोना महामारीने मागील वर्षीपासून जगभरात थैमान घातले आहे. बऱ्याच देशांमधील कोरोना महामारी आटोक्यात येत असली तरी भारतात मात्र अजूनही संभाव्य तिसऱ्या लाटेचा धोका हा कायम आहे. कोरोनाच्या दुसऱ्या लाटेत महाराष्ट्रासह देशभरात हाहाकार माजवला होता. यामुळे आता निर्बंधांमध्ये सूट देताना राज्य सरकार व प्रशासन हे गंभीरतेने विचार करूनच निर्णय घेत आहेत.
यंदा देखील कोरोनाचे सावट कायम असल्याने सर्व धर्मियांनी सण-उत्सव साधेपणाने साजरे करावे असे आवाहन केले जात आहे. गेल्यावर्षी प्रमाणेच यंदा देखील गणेशोत्सव साधेपणाने साजरा करावा असं आवाहन करण्यात आलं असून राज्य सरकारने याबाबत नियमावली देखील जाहीर केली आहे. दरम्यान, पुण्यातील गणेशोत्सव हा संपूर्ण देशासह विदेशात देखील प्रसिद्ध आहे. स्वातंत्र्यपूर्व काळापासूनचा वारसा असलेला सार्वजनिक गणेशोत्सव मागील वर्षी प्रमाणेच यंदा देखील साधेपणाने होणार असल्याचे निश्चित झाले आहे.
पुण्यातील देखावे, मिरवणूका हे खास आकर्षण असतात. आता प्रसिद्ध श्रीमंत दगडूशेठ हलवाई गणपतीच्या गणेशोत्सवाबाबत ट्रस्टने आपला निर्णय जाहीर केला आहे. मूर्तीची प्राण-प्रतिष्ठापना मुख्य मंदिरातच होणार आहे. पारंपरिक जागा असलेल्या कोतवाल चावडीत सलग दुसऱ्या वर्षी मांडव उभा न करण्याचा निर्णय घेण्यात आला आहे. गणेशोत्सवादरम्यान मंडळाचे विश्वस्त आणि कार्यकर्ते दहा दिवस मंदिरात जाणार नाहीत. ऑगमेंटेड रिअॅलिटी या नव्या तंत्रज्ञानाचा वापर करुन घरबसल्या गणेश भक्तांना दगडूशेठ गणपतीचं दर्शन मिळणार आहे. यासोबतच, हार, फुले, पेढे आणि नारळ स्वीकारले जाणार नाहीत, असंही मंदिर व्यवस्थापनाकडून सांगण्यात आलं आहे. संभाव्य तिसऱ्या लाटेच्या धोक्यामुळे भाविकांनी ऑनलाईन दर्शनाचा लाभ घ्यावा असं आवाहन देखील करण्यात आलं आहे.
महत्त्वाच्या बातम्या
- ‘महाराष्ट्रात सरकारमध्ये बसलेले लोक काय तोंडात पान-गुटखा खाऊन बसलेत का?’
- ‘माझ्या हातावर असलेला ‘देवेंद्र’ चा टॅटू हा फडणवीसांचाच, तेच माझ्या मनात’
- ‘तुम्ही पडद्याआडून पाहात प्रेम का करत आहात?’ ओवेसींचा पंतप्रधान मोदींना सवाल
- ‘वसंतदादांच्या नातवाला विकत घेईल एवढा भाजप मोठा नाहीये’, विशाल पाटील यांचा हल्लाबोल
- ‘गुडमॉर्निंग अण्णा, आमच्यासाठी आंदोलन कधी?’ व्यंगचित्राद्वारे राष्ट्रवादीचा खोचक सवाल
बातम्यांसाठी YouTube चॅनेल Subscribe करा
Subscribe Now
