मुंबई इंडियन्सला धडाकेबाज विजय मिळवून देणाऱ्या ‘या’ क्रिकेटरने घेतली अचानक निवृत्ती

🕒 1 min read

नवी दिल्ली- न्यूझीलंडचा २९ वर्षीय फलंदाज कोरे अँडरसनने न्यूझीलंड क्रिकेटमधून निवृत्ती घेण्याचा निर्णय घेतली आहे. अमेरिकेतील आगामी टी२० क्रिकेट लीग खेळण्यासाठी तीन वर्षांचा करार केल्यानंतर अँडरसनने तातडीने न्यूझीलंड क्रिकेटमधून निवृत्ती घेण्याचा निर्णय घेतला आहे.

वनडे क्रिकेटमध्ये दुसऱ्या क्रमांकाचे सर्वात जलद शतक करण्याचा विक्रम अँडरसनच्या नावावर आहे. त्याने न्यूझीलंडकडून तिन्ही प्रकारच्या क्रिकेटमध्ये मिळून ९३ सामने खेळले आहेत. यात त्याने २ शतके आणि १० अर्धशतकांसह २००० पेक्षा अधिक धावा केल्या आहेत.

दरम्यान, कोरे अंडरसन याने 2014 साली आयपीएलमध्ये मुंबईला ऐतिहासिक विजय मिळवून दिला होता. यामुळे त्याचा क्रिकेटमधील दबदबा देखील वाढला होता. 2014 साली राजस्थानविरुद्धच्या मॅचमध्ये मुंबईला प्ले-ऑफमध्ये क्वालिफाय करण्यासाठी 14.4 ओव्हरमध्ये 185 रनची गरज होती. तेव्हा कोरे अंडरसनने 44 बॉलमध्या नाबाद 95 रनची वादळी खेळी केली होती.

अंडरसनच्या या झंजावाती इनिंगमध्ये षटकार आणि चौकारांचा अक्षरशः पाउस पाडला होता. कोरे अंडरसनमुळेच मुंबईने 14.4 ओव्हरमध्ये 184 रन करून बरोबरी केली. यानंतर आदित्य तरेने 14.5 व्या ओव्हरला सिक्स मारून मुंबईला प्ले-ऑफमध्ये एन्ट्री केली होती.

महत्वाच्या बातम्या 

• गडकरींचा धडाका : 4127 कोटी रुपयांच्या 14 महामार्ग प्रकल्पांची केली पायाभरणी
• #Corona : देशात गेल्या 24 तासांत 512 रुग्णांचा मृत्यू ;सर्वात जास्त मृत्यू महाराष्ट्रात
• विधान परिषद निवडणुकीचे निकाल राज्य सरकारला अधिक भक्कम करणारे : अशोक चव्हाण
• मुख्यमंत्री आज समृद्धी महामार्गाची पाहणी करण्यासाठी अमरावती, औरंगाबाद जिल्ह्यात
• कृषी कायद्यांविरोधात काही लोक राजकीय हेतूनं गैरसमज पसरवत आहेत : खोत