थायलँड पोलिसांकडून नवीन खुलासा; शेन वॉर्नच्या रूममध्ये रक्ताचे डाग आढळले

मुंबई: शेन वॉर्नच्या अकस्मित निधनामूळे संपूर्ण क्रिकेट जगताला मोठा धक्का लागला आहे. त्याचा मृत्यू हृदयविकाराच्या झटक्यामुळे झाला अशी माहिती आधी मिळाली होती. याबाबत आता एक नवीन खुलासा झाला आहे. थायलँडच्या पोलिसांना कोई सामुई बेटावरील व्हिलामध्ये शेन वॉर्नच्या खोलीच्या मजल्यावर आणि आंघोळीच्या टॉवेलवर “रक्ताचे डाग” आढळून आले आहेत.

एका प्रसिद्ध ऑस्ट्रेलियन वृत्तपत्राने दिलेल्या माहितीच्या अनुसार, तपासकर्त्यांना वॉर्न (shane warne) राहत असलेल्या खोलीत जमिनीवर रक्त आणि बाथ टॉवेल आढळले. अहवालात असेही म्हटले आहे की ऑस्ट्रेलियन अधिकारी थायलँडमध्ये आले आहेत आणि वॉर्नचा मृतदेह परत आणण्याचे काम करत आहेत. “ऑस्ट्रेलिया सोडण्यापूर्वी वॉर्नला छातीत दुखू लागल्याचे समजते आणि त्याला हृदयविकार आणि दम्याचा आजार होता. स्थानिक प्रसारमाध्यमांच्या अहवालात असे म्हटले आहे की, वॉर्नच्या खोलीच्या मजल्यावर आणि व्हिलाची झडती घेत असताना तपासकर्त्यांना आंघोळीच्या टॉवेलवर रक्ताचे डाग आढळले,” असे अहवालात म्हटले गेले आहे.

शेन वॉर्न त्याचे वजन कमी करण्यासाठी १४ दिवस फक्त लिक्विड डायट घेत असल्याचे देखील समोर आले आहे. त्यामुळे हे देखील त्याच्या हृदयविकाराच्या झटक्याचे कारण समजले जात आहे. वॉर्नला स्मोकिंगची सवय होती असे त्याचे सहकारी आणि जवळच्या लोकांनी सांगितले आहे. त्याला हृदयविकाराचा झटका या कारणांनी आला असे समजले जात असले तरी त्याच्या खोलीत असलेल्या रक्ताच्या डागांबाबत अजूनही कोणती माहिती मिळालेली नाही. शेन वॉर्नच्या जाण्याने संपूर्ण क्रिकेट जगत हळहळत आहे.

महत्वाच्या बातम्या

• “चप्पल भिरकावणं ही महाराष्ट्राची पद्धत नक्कीच नाही”, ‘त्या’ घटनेवर रोहित पवारांची प्रतिक्रिया
• “…पण तुम्हाला आजपर्यंत राष्ट्रवादीचा मुख्यमंत्रीही बसवता आला नाही”, पडळकरांचा खोचक टोला
• वाटले नव्हते की एवढ्या लवकर सामन्याचा निर्णय लागेल, श्रीलंकन दिग्गजाचे वक्तव्य
• “मैदानावरची स्पर्धा मैदानाबाहेर नसते”, जितेंद्र आव्हाडांनी केले भारतीय महिला क्रिकेटर्सचे कौतुक
• “ईडी” पेक्षा शेतकऱ्यांच्या खिशातल्या “गणेश बिडीची” किंमत जास्त – धनंजय मुंडेंचा खोचक टोला