औरंगाबाद : शेअर माक्रेटमध्ये गुंतवणूक करण्याचे आमीष दाखवून एका शिक्षकाचे २ लाख रुपये परस्पर काढून घेतल्याची घटना वैजापूर शहरात उघडकीस आली आहे. या प्रकरणी फसवणूक करणाऱ्या विरुद्ध पोलिसांत गुन्हा दाखल करण्यात आला आहे.
येवला तालुक्यातील आडसुरेगाव येथे जि.प.शाळेत शिक्षक म्हणून कार्यरत असलेले शिक्षक नामदेव शंकर उलपे हे वैजापूर येथे विद्यानगर भागात राहतात. त्यांनी शेअर बाजार मध्ये गुंतवणूक करण्यासाठी एंजेल ब्रोकींग शेअर माक्रेट हे अ;ॅप मोबाईलवर डाऊनलोड केले होते. या अ;ॅपच्या माध्यमातून एक महिन्यापासून ते गुंतवणूक करीत होते. त्यांनी या अ;ॅपमध्ये मोठ्या रक्कमेची गुंतवणूक केली.
मात्र, खात्री करण्यासाठी त्यांनी कस्टम केअरशी संपर्क केला. त्यानंतर त्यांच्या मोबाईलवर कॉल आला. कस्टम केअर मधून बोलत असल्याचे सांगून त्यांनी उलपे यांच्याकडून अधिक माहिती घेण्यास सुरुवात केली. त्यामुळे उलपे यांना संशय आला. त्यामुळे त्यांनी जवळच्या एटिएमवर जाऊन खात्यावरील रक्कम तपासली असता, त्यांचे २ लाख रूपये २५ हजार परस्पर काढून घेतल्याचे त्यांच्या निदर्शनास आले. त्यामुळे उलपे यांनी पोलिस ठाणे गाठून आपली फिर्याद दिली. त्यानुसार नामदेव उलपे यांनी दिलेल्या फिर्यादीवरून वैजापूर पोलीस ठाण्यात एका जणांविरुद्ध फसवणूकीचा गुन्हा दाखल करण्यात आला आहे.
महत्वाच्या बातम्या
- ‘सरकारने शरियत कायद्यामध्ये हस्तक्षेप केल्याने करोना आणि चक्रीवादळांसारख्या आपत्ती आल्या’
- राज्याच्या जीएसटी वसुलीत मोठी घट, लॉकडाऊनच्या निर्बंधांचा अर्थव्यवस्थेला फटका
- दीपिका सिंह नव्या डान्स व्हिडीओमुळे पुन्हा एकदा सोशल मीडियावर झाली ट्रोल…
- अंकिता लोखंडेचा चाहत्यांना ‘गुड बाय’ ; पोस्ट शेअर करत दिली माहिती
- ‘लसीकरणाबाबत केंद्राची पॉलिसी स्पष्ट नाही; रोज नवीन नियमांची होतेय घोषणा’
