मुंबई : एकनाथ शिंदे यांच्यासोबत बंड करून शिंदे गटात गेलेले आरोग्य मंत्री तानाजी सावंत यांनी पुन्हा एकदा शिवसेना पक्षप्रमुख उद्धव ठाकरे यांच्यावर निशाणा साधला आहे. मात्र विशेष बाब म्हणजे यावेळी सावंत यांनी एका बाण मध्ये दोन निशाणा साधत राष्ट्रवादी काँग्रेस पक्षावर देखील टीका केली आहे.
तानाजी सावंत यांचा टोलाः
गेला अडीच वर्षात उद्धव ठाकरे फक्त नावालाच मुख्यमंत्री होते, खरे मुख्यमंत्री हे राष्ट्रवादीचे होते, असा टोला तानाजी सावंत यांनी लगावला आहे. तसेच या राष्ट्रवादींनी गेल्या अडीच वर्षात महाराष्ट्र लुटून खाल्ला असं देखील ते यावेळी म्हणाले. उस्मानाबाद मधील दसरा मेळाव्याच्या तयारीसाठी आयोजित केलेल्या हिंदू गर्जना मेळाव्यात तानाजी सावंत यांनी हे वक्तव्य केलं आहे.
ज्या बापाने तुम्हाला जन्माला घातलं त्या बापाची विचारधारा तुम्ही सोडून दिली, ते आम्हाला म्हणतात तुम्ही माझ्या बापाचे फोटो लावू नका, पण तुम्ही आमच्या छत्रपती शिवाजी महाराजांचे फोटो का लावता?, शिवाजी महाराजांचा आणि तुमच्या संबंध काय?, असा सवाल देखील तानाजी सावंत यांनी बीडमध्ये उद्धव ठाकरे यांना विचारला आहे.
दरम्यान, उस्मानाबाद मध्ये पत्रकारांशी संवाद साधत असताना, आहे त्या जागेवर शेतात, घरी, रस्त्यावर सरकार आता आरोग्याच्या सुविधा देणार असल्याचं सावंतांनी सांगितलं आहे. यासाठी मंत्रालयामध्ये 104 नंबरचा कॉल सेंटर उभारणार असल्याची घोषणा देखील त्यांनी केली आहे. चांद्यापासून बांधापर्यंत ही योजना राबवण्यात येणार असून अगदी सर्वसामान्य माणसालाही या योजनेतून उपचार देण्याचा प्रयत्न केला जाणार असल्याचं यावेळी तानाजी सावंत यांनी म्हटलं आहे.
महत्वाच्या बातम्या :
- Chandrashekhar Bawankule | “आदित्य ठाकरे हे खोटारडे असून…”; बावनकुळेंचा आदित्या ठाकरेंवर निशाणा
- Ajit Pawar | कार्यकर्त्यांसमोर केलेल्या ‘त्या’ वक्तव्यावर अजित पवारांनी दिलं स्पष्टीकरण म्हणाले…
- Eknath Shinde | पुण्यातील ‘पाकिस्तान जिंदाबाद’च्या घोषणाबाजीवर एकनाथ शिंदेंची प्रतिक्रिया म्हणाले…
- Aditya Thackeray | “…तर मी सुद्धा निवडणूक लढवेन”; आदित्य ठाकरेंनी दिलं शिंदे गटाला आव्हान
- Gopichand Padalkar | “आदित्य ठाकरेंची अवस्था म्हणजे बैल गेला अन्…”; पडळकरांचा आदित्य ठाकरेंवर हल्लाबोल
