मुंबई : वेदांता-फॉक्सकॉन प्रकल्प गुजरातला गेल्यामुळे राज्यातील राजकीय वातावरण खूपच गढूळ झालं आहे. याच पार्श्वभूमीवर शिवसेना पक्षाने पुणे, वडगावमध्ये काल जनआक्रोश मोर्चा काढला होता. त्यावेळी शिवसेना नेते आदित्य ठाकरे यांनी शिंदे-फडणवीस सरकारवर सडकून टीका केली. अशातच ठाकरेंच्या टीकेला प्रत्युत्तर भाजपचे नेते गोपीचंद पडळकर यांनी दिलं आहे.
काय म्हणाले गोपीचंद पडळकर ?
आदित्य ठाकरे यांची अवस्था ‘बैल गेला आणि झोपा केला’, असं म्हणत गोपीचंद पडळकर यांनी आदित्य ठाकरेंवर चांगलाच निशाणा साधला आहे. पडळकर यांनी प्रसार माध्यमांशी संवाद साधला, त्यावेळी तो बोलत होते.
पुढे बोलताना पडळकर म्हणाले, विश्वासघाताने त्यांच्याकडे सत्ता आली होती. अडीच वर्षे या राज्याचं मुख्यमंत्रीपद त्यांच्या घरात होतं आणि ते स्वत:ही कॅबिनेट मंत्री होते. पण जेव्हा महाराष्ट्रातील लोकांना त्यांच्या आधाराची गरज होती. लोकांना ऑक्सीजन बेड मिळाले नाहीत. अनेक लोकांचा उपचाराविना मृत्यू झाला.
या संकटाच्या वेळेत यांनी लोकांना आधार देणं, आवश्यक होतं. पण त्यावेळी आदित्य ठाकरे घराबाहेर पडले नाहीत. आता सगळं त्यांच्या हातून गेलं असताना ते लोकांमध्ये जात आहेत. याचा त्यांना काही उपयोग होईल, असं मला वाटत नसल्याचं गोपीचंद पडळकर यांनी सांगितले आहे.
महत्वाच्या बातम्या :
- Aditya Thackeray | “खोके सरकारचं लक्ष त्यांच्या गटात कोण येतंय याकडे आहे, मात्र उद्योग…”, आदित्य ठाकरेंचा आक्रोश
- Monica O My Darling | राजकुमार राव आणि हुमा कुरेशी यांची डान्स फ्लोअरला धूम, मोनिका ओ माय डार्लिंगचा टीझर रिलीज
- Chandrashekhar Bawankule | “बारामती मतदार संघात घडी बंद करण्यासाठी आमचे प्रयत्न आहेत”, चंद्रशेखर बावनकुळेंनी स्पष्ट केले इरादे
- Viral Video | लग्नापूर्वी नववधू वर्कआउट करण्यासाठी जिममध्ये पोहोचली, पहा व्हिडिओ
- Music Therapy Benefits : गाणी ऐका आणि निरोगी राहा! होय, संगीतामुळे राहू शकता तुम्ही तंदुरुस्त
