अजून एक जेतेपद..! पी. व्ही. सिंधूनं जिंकली स्विस ओपन स्पर्धा

मुंबई : भारताची अव्वल महिला बॅडमिंटनपटू पी. व्ही. सिंधूने रविवारी स्विस ओपन सुपर ३०० स्पर्धेच्या अंतिम फेरीत थायलंडच्या बुसानन ओंगबामरांगफानचा पराभव करून या हंगामातील तिचे दुसरे महिला एकेरीचे विजेतेपद पटकावले. दोन वेळा ऑलिम्पिक पदक विजेती सिंधूने चौथ्या मानांकित थायलंडच्या खेळाडूला ४९ मिनिटांच्या लढतीत २१-१६, २१-८ अशी मात दिली.

सिंधूचा बुसाननविरुद्धच्या १७ सामन्यांतील हा १६वा विजय आहे. २०१९च्या हाँगकाँग ओपनमध्ये ती बुसाननकडू फक्त एकदाच हरली आहे. सिंधूला रिओ ऑलिम्पिक सुवर्णपदक विजेत्या स्पेनच्या कॅरोलिना मारिनकडून गेल्या मोसमाच्या अंतिम फेरीत पराभव पत्करावा लागला होता.

सिंधूने या वर्षी जानेवारीमध्ये लखनऊमध्ये सय्यद मोदी इंटरनॅशनल सुपर ३०० जिंकली. सिंधूने या सामन्यात आक्रमक सुरुवात करत ३-० अशी आघाडी घेतली. बुसाननने मात्र पुनरागमन करत गुणसंख्या ७-७ अशी बरोबरी साधली. बुसानन सिंधूला नेटपासून दूर ठेवण्याचा प्रयत्न करत होती पण तिचे फटके पूर्ण करू शकली नाही. ब्रेकच्या वेळी सिंधूकडे दोन गुणांची आघाडी होती.
बॅकलाइनजवळ एका शानदार शॉटमुळे सिंधूला चार गेम पॉइंट मिळाले. दुसऱ्या गेममध्ये बुसाननला सिंधूशी टक्कर देण्यात अपयश आले. सिंधूने ५-० अशी आघाडी घेत हा सेटही सहज जिंकला.

महत्त्वाच्या बातम्या –

• बापरे..! मुंबई इंडियन्सचा कॅप्टन रोहित शर्माला १२ लाखांचा दंड; वाचा नक्की झालं काय!
• ऑस्कर पुरस्कार सोहळ्यात मोठा राडा; विल स्मिथने सूत्रसंचालकाच्या कानशिलात लगावली
• IPL 2022 : राशिद खानला मिळाली मोठी जबाबदारी..! पहिल्या सामन्यापूर्वी बनला गुजरात संघाचा…
• यशवंत जाधवांच्या डायरी संदर्भात अजित पवारांचे स्पष्टीकरण; म्हणाले, “बरेच जण आपल्या आईला…”
• सुप्रिया सुळेंना सलग सातव्यांदा संसदरत्न; राष्ट्रवादीच्या ट्वीट करत शुभेच्छा