सुप्रिया सुळेंना सलग सातव्यांदा संसदरत्न; राष्ट्रवादीच्या ट्वीट करत शुभेच्छा

🕒 1 min read

मुंबई: राष्ट्रवादी काँग्रेस पक्षाच्या खासदार सुप्रिया सुळे यांना नुकतेच संसदरत्न पुरस्काराने सन्मानित करण्यात आले. सुप्रियाताईंनी सलग सातव्यांदा संसदरत्न होण्याचा सन्मान प्राप्त केला आहे. असे ट्वीट NCP च्या अधिकृत ट्वीटरवर करण्यात आले आहे. या पार्श्वभूमीवर सर्वत्र सुप्रिया सुळे (NCP MP Supriya Sule) यांचे कौतुक तसेच अभिनंदन करण्यात येत आहे.

“१७ व्या लोकसभेतील सुप्रियाताईंच्या उल्लेखनीय कामगिरीची दखल घेत चेन्नई येथील प्राईम पॉईंट फाउंडेशनतर्फे या पुरस्कारासाठी सुप्रियाताईंची निवड करण्यात आली. लोकसभेत लोकांचे प्रश्न मांडण्यात सुप्रियाताई नेहमीच आघाडीवर असतात. १७ व्या लोकसभेतही दमदार कामगिरी करत सुप्रियाताईंनी ९२ टक्के उपस्थिती आणि ६३ चर्चासत्रात सहभाग नोंदविला आहे. तसेच ४०२ प्रश्न उपस्थित करून ८ खासगी विधेयके मांडली आहेत.”, अशी माहिती राष्ट्रवादीने ट्वीटद्वारा दिली आहे.

दरम्यान सुप्रिया सुळे नेहमीच कणखर वक्तव्यांसाठी ओळखल्या जातात. लोकसभेत त्यांनी अनेक मुद्द्यांवरून केंद्र सरकारला निशाण्यावर धरले आहे. त्यांना संसदरत्न पुरस्काराने सन्मानित करण्यात आल्यानंतर राजकीय क्षेत्रातून त्यांच्यावर कौतुकाचा वर्षाव केला जात आहे.

महत्वाच्या बातम्या:

• “आज देशात जे चित्र दिसत आहे, ते जर असंच राहिलं तर…”, शरद पवारांनी व्यक्त केली चिंता
• “सुसंस्कृत आणि सक्षम पिढी निर्माण करण्यासाठी…”, अजित पवारांचे मोठे वक्तव्य
• नाणार प्रकल्प पुनरुज्जीवनाच्या चर्चेवर संजय राऊतांचे स्पष्टीकरण; म्हणाले…
• ‘या’ तारखेला होणार पंतप्रधान मोदींचा ‘परीक्षा पे चर्चा’ कार्यक्रम
• “जनतेला कळतंय कोणाचं सरकार…”, अजित पवारांच्या ‘त्या’ वक्तव्यावरून भातखळकरांची टीका