‘सुशांत आत्महत्या करुच शकत नाही, मला खात्री आहे की मारलंय’, उषा नाडकर्णींचा गंभीर दावा

मुंबई : अभिनेता सुशांत सिंह राजपूत याच्या मृत्यूला येत्या १४ मे रोजी एक वर्ष पूर्ण होईल. त्याच्या अचानक जाण्याने त्याच्या चाहत्यांना मोठा धक्का बसला होता. तर, त्यांच्या मृत्यूमागे काही व्यक्तींचा हात असल्याची शक्यता अनेकांनी वर्तवल्यामुळे या प्रकरणाची चौकशी सीबीआय मार्फत देखील केली गेली.  मात्र आजही त्याच्या आठवणीत सुशांतचे कुटूंब आणि चाहते आठवण काढत आहेत. अशातच उषा नाडकर्णी यांनी देखील सुशांतच्या आठवनीना उजाळा देत मोठा दावा केला आहे.

एका मुलाखातीत उषा नाडकर्णी म्हणाल्या की, ‘सुशांत स्वप्न बघणारा मुलगा होता. अवघ्या 23-24 वर्षांचा तो मुलगा मोठी स्वप्न घेऊन आला होता. त्यानंतर मालिकांमधून तो सिनेमामध्ये गेला. तिथेही त्याला चांगले सिनेमे मिळाले. त्याला जे हवं ते सगळं मिळत होतं. त्याचे त्यानंतर काय करायचं याचे प्लॅनही होते. असं असणारा सुशांत आत्महत्या करूच शकत नाही. मला खात्री वाटते की त्याला मारलं गेलं असेल,’ असे थेट मत त्यांनी यावेळी व्यक्त केले आहे. सुशांत गेल्याची बातमी आल्यानंतर उषा नाडकर्णी यांना शोक अनावर झाला असल्याचही त्या म्हणाल्या.