नवी दिल्ली: सरकार संविधानाच्या मूलभूत मूल्यांचा अनादर करत असून संसदीय लोकशाहीचा अवमान करत आहे, असे म्हणत विरोधकांनी शुक्रवारी संसदेच्या सेंट्रल हॉलमध्ये संविधान दिनाच्या कार्यक्रमावर बहिष्कार टाकला होता. यावरच लोकशाहीमध्ये मर्यादा राखून आणि सन्माननीय आचरण करणे आणि देश आणि राष्ट्राच्या हितासाठी एकत्रितपणे काम करणे ही लोकप्रतिनिधींची जबाबदारी आहे. विरोधी पक्षांनी येऊन आपल्याशी चर्चा केली असती तर काहीतरी तोडगा काढला असता. हा संसदेचा कार्यक्रम होता, पंतप्रधान किंवा पक्षाचा नाही. ही चांगली परंपरा नाही, असे अशा शब्दांत लोकसभा अध्यक्ष ओम बिर्ला (Om Birla)यांनी विरोधकांवर सुनावले.
संविधान दिनानिमित्त संसदेच्या (constitution day)सेंट्रल हॉलमध्ये आयोजित कार्यक्रमाला लोकसभा अध्यक्ष ओम बिर्ला यांनी संबोधित केले. आम्ही संसदेत देशातील १३५ कोटी जनतेचे प्रतिनिधित्व करतो संसदेत लोकप्रतिनिधी या नात्याने लोकशाही संस्थांमध्ये सन्मानपूर्वक आणि सन्मानपूर्वक आचरण करणे हे आपले कर्तव्य आहे. संसदेची प्रतिष्ठा आणि उच्च सन्मानाची परंपरा जपणे ही आपल्या सर्वांची जबाबदारी आहे. आपण चांगल्या परंपरा आणि प्रथा अधिक दृढ करायला हव्यात, असे बिर्ला यांनी म्हटले.
#ConstitutionDay के अवसर पर संसद भवन के केंद्रीय कक्ष में आयोजित समारोह में संबोधन… https://t.co/Pj6dFkAVdo
— Om Birla (@ombirlakota) November 26, 2021
संविधानात नागरिकांना न्याय, स्वातंत्र्य आणि समानता या मूलभूत अधिकारांची व्यवस्था आहे. त्यामुळे संविधान दिनाच्या दिवशी देशासाठी आपले कर्तव्य समजून घ्या, असे लोकसभा अध्यक्ष ओम बिर्ला म्हणाले. संविधान दिनानिमित्त संसद भवनाच्या सेंट्रल हॉलमध्ये आयोजित कार्यक्रमात ते बोलत होते. यावेळी राष्ट्रपती रामनाथ कोविंद, उपराष्ट्रपती एम व्यंकय्या नायडू, पंतप्रधान नरेंद्र मोदींसह इतर मान्यवर उपस्थित होते.
महत्वाच्या बातम्या:
- आशियाई चॅम्पियन्स हॉकी स्पर्धा; ‘या’ खेळाडूकडे असणार कर्णधारपद
- इंडोनेशिया खुली बॅडमिंटन स्पर्धा : सात्त्विक-चिराग यांची विजयी घोडदौड
- महाराष्ट्राची सत्ता हातात घेण्यासाठी राज्य पेटवायचा डाव- यशोमती ठाकूर
- टी-२० वर्ल्डकपमध्ये भारत पाकिस्तानविरुद्ध सामन्यात भयभीत होता; इंझमामचे बेधडक वक्तव्य
- ‘भारत हा सर्वाधिक धर्मनिरपेक्ष देश असून पाश्चात्य माध्यमांना भारताची प्रगती बघवत नाही’
