…म्हणून शरद पवारांना आजच रुग्णालयात दाखल करावं लागलं; नवाब मलिकांनी दिली माहिती

मुंबई : प्रकृती अस्वास्थ्यामुळे राष्ट्रवादी काँग्रेसचे अध्यक्ष शरद पवार यांना काल ब्रीच कँडी रुग्णालयात दाखल करण्यात आले होते. काल चाचण्या झाल्यानंतर त्यांना पित्ताशयाचा त्रास असल्याचं समोर आलं आहे. तपासणीनंतर त्यांना कालच रुग्णालयातून डिस्चार्ज देण्यात आला होता. तर, उद्या म्हणजेच बुधवारी ३१ मार्च रोजी एन्डोस्कोपी व शस्त्रक्रिया करण्यात येणार असल्याची माहिती राष्ट्रवादी काँग्रेसचे प्रवक्ते व मंत्री नवाब मलिक यांनी दिली होती.

मात्र, आज पुन्हा एकदा त्यांना अस्वस्थ वाटू लागल्यामुळे त्यांना रुग्णालयात दाखल करण्यात आलं आहे. मुंबईतील ब्रीच कँडी रुग्णालयात त्यांना दाखल करण्यात आलं असून पत्नी प्रतिभा पवार, कन्या सुप्रिया सुळे या देखील त्यांच्यासोबत आहेत. पोटात दुखू लागल्यामुळे ते आजच रुग्णालयात दाखल झाले आहेत. दरम्यान, त्यांच्यावर उद्या शस्त्रक्रिया केली जाणार असल्याची प्राथमिक माहिती आहे.

यासंदर्भात नवाब मलिक यांनी माहिती दिली आहे. ‘आमचे पक्षप्रमुख शरद पवार यांना एंडोस्कोपी व शस्त्रक्रियेसाठी उद्या रुग्णालयात दाखल करणे अपेक्षित होते. मात्र, त्यांना पोटात (abdomen) मध्ये त्रास जाणवू लागल्याने आजच रुग्णालयात दाखल करण्यात आले आहे.’अशी माहिती नवाब मलिक यांनी दिली आहे. तर, राज्याचे आरोग्यमंत्री राजेश टोपे हे देखील पवारांची भेट घेण्यासाठी रुग्णालयात दाखल झाले असून काळजी करण्याचं कारण नसल्याचं त्यांनी सांगितलं आहे.

महत्त्वाच्या बातम्या

• काँग्रेसचा पवारांकडे कानाडोळा ? केंद्रातील काँग्रेस नेत्यांनी पवारांची विचारपूसच केली नाही !
• ‘मागील वर्षी थाळ्या हि वाजवल्या व “कोमट पाणी” ही प्यायले, पण आता…’; मनसेची खोचक टीका
• लॉकडाऊनमुळे राष्ट्रवादीत बिनसलं? आता प्रफुल्ल पटेल यांचाही विरोध
• शरद पवारांची प्रकृती पुन्हा बिघडली; ब्रीच कँडी रुग्णालयात केलं दाखल
• देशातील टॉप-१० कोरोना हॉटस्पॉट जिल्ह्यांमध्ये महाराष्ट्राच्या ‘या’ आठ जिल्ह्यांचा समावेश !