मुंबई : प्रकृती अस्वास्थ्यामुळे राष्ट्रवादी काँग्रेसचे अध्यक्ष शरद पवार यांना काल ब्रीच कँडी रुग्णालयात दाखल करण्यात आले होते. काल चाचण्या झाल्यानंतर त्यांना पित्ताशयाचा त्रास असल्याचं समोर आलं आहे. तपासणीनंतर त्यांना कालच रुग्णालयातून डिस्चार्ज देण्यात आला होता. तर, उद्या म्हणजेच बुधवारी ३१ मार्च रोजी एन्डोस्कोपी व शस्त्रक्रिया करण्यात येणार असल्याची माहिती राष्ट्रवादी काँग्रेसचे प्रवक्ते व मंत्री नवाब मलिक यांनी दिली होती.
मात्र, आज पुन्हा एकदा त्यांना अस्वस्थ वाटू लागल्यामुळे त्यांना रुग्णालयात दाखल करण्यात आलं आहे. मुंबईतील ब्रीच कँडी रुग्णालयात त्यांना दाखल करण्यात आलं असून पत्नी प्रतिभा पवार, कन्या सुप्रिया सुळे या देखील त्यांच्यासोबत आहेत. पोटात दुखू लागल्यामुळे ते आजच रुग्णालयात दाखल झाले आहेत. दरम्यान, त्यांच्यावर उद्या शस्त्रक्रिया केली जाणार असल्याची प्राथमिक माहिती आहे.
दरम्यान, काल त्यांना रुग्णालयात दाखल केल्याचं समजताच महाराष्ट्रातील सर्वपक्षीय नेत्यांपासून ते पंतप्रधान नरेंद्र मोदींपर्यंत अनेक नेत्यांनी पवारांच्या तब्येतीची विचारपूस केली आहे. लवकरात लवकर प्रकृती सुधारावी अशा सदिच्छा पंतप्रधान नरेंद्र मोदी यांनी पवारांना दिल्या आहेत.
महत्त्वाच्या बातम्या
- काँग्रेसचा पवारांकडे कानाडोळा ? केंद्रातील काँग्रेस नेत्यांनी पवारांची विचारपूसच केली नाही !
- ‘मागील वर्षी थाळ्या हि वाजवल्या व “कोमट पाणी” ही प्यायले, पण आता…’; मनसेची खोचक टीका
- लॉकडाऊनमुळे राष्ट्रवादीत बिनसलं? आता प्रफुल्ल पटेल यांचाही विरोध
- काँग्रेसचे झुंजार प्रवक्ते सचिन सावंत अडकले कोरोनाच्या विळख्यात; स्वतः ट्विट करून दिली माहिती
- देशातील टॉप-१० कोरोना हॉटस्पॉट जिल्ह्यांमध्ये महाराष्ट्राच्या ‘या’ आठ जिल्ह्यांचा समावेश !
बातम्यांसाठी YouTube चॅनेल Subscribe करा
Subscribe Now
