एवढा खर्च पेंग्विनला पोसण्यासाठी की पेंग्विन गँगसाठी?; मनसेचा शिवसेनेला टोला

🕒 1 min read

मुंबई : मुंबईतील वीर माता जिजाबाई भोसले उद्यान म्हणजेच राणीच्या बागेतील पेंग्विन म्हणजे कंत्रादारांसाठी सोन्याचे अंड देणारी कोंबडी असा गंभीर आरोप मुंबई काँग्रेसने केला होता. मुंबई पालिकच्या या निर्णयावरुन शिवसेनेवर विरोधकांनी जोरदार ताशेरे ओढले आहेत. या पेंग्विन खर्चावरु राजकीय वाद पेटला आहे. या वादात आता मनसेने उडी घेतली आहे. मनसेने पोस्टरबाजी करत शिवसेनेवर टीका केली आहे.

पुन्हा पुढच्या तीन वर्षांसाठी १५ कोटी रुपये खर्च अपेक्षित आहेत. यावरून विरोधकांकडून टीका केली जात आहे. यातच आता मनसेने मुंबईतील काही ठिकाणी पोस्टर लावत शिवसेना आणि महाविकास आघाडी सरकारला टोला लगावला आहे. एवढा खर्च पेंग्विनला पोसण्यासाठी की पेंग्विन गँगसाठी, असा खोचक सवाल करण्यात आला आहे. मनसेचे कार्यकर्ते संतोष धुरी यांनी आपल्या ट्वीट करत शिवसेनेला टोला लगावला आहे.

एव्हढा खर्च पेंग्विन ना पोसण्यासाठी की पेंग्विन गॅंग ला पोसण्यासाठी pic.twitter.com/2Dx7qQUKXO

— Santosh Dhuri (@SantoshDhuri19) September 8, 2021

भायखळा येथील वीरमाता जिजाबाई भोसले उद्यानात २०१७ मध्ये दक्षिण कोरियातून हम्बोल्ट पेंग्विन आणण्यात आले. त्यासाठी विशेष वातानाकुलित कक्ष आणि पेंग्विन खरेदीसाठी एकूण २५ कोटी रुपये खर्च करण्यात आले होते. त्यानंतर तीन वर्षांच्या देखभालीसाठी १० कोटी रुपये खर्च करण्यात आले.

महत्त्वाच्या बातम्या

• ‘मुंबई महापालिकेच्या शाळेत केंब्रिज बोर्ड सुरू होणार’, आदित्य ठाकरेंची घोषणा
• मुख्यमंत्र्यांचे ‘खास’ नार्वेकर यांचा बंगला तोडला, आता परब आणि सरनाईक यांचा नंबर – सोमय्या
• पुरुषप्रधान संस्कृती मागे टाकत ५ मुलींनी आपल्या आईच्या पार्थिवाला दिला खांदा
• ‘न सांगताही नांदेडमध्ये हजारो लोक जमा झाले, सांगून बघू का?’ मग बघा!
• माझ्यामुळे काही मंत्र्यांची झोप उडाली आहे, त्यामुळे ते भाई लोकांची मदत घेत आहेत – सोमय्या