शिवसेना निवडणुका डोळ्यासमोर ठेवून ‘जुमले का अर्थसंकल्प’ सादर करत नाही- किशोरी पेडणेकर

🕒 1 min read

मुंबई: शिवसेनेची सत्ता असलेल्या मुंबई महापालिकेचा २०२२ – २३ वर्षाचा अर्थसंकल्प गुरुवारी ३ फेब्रुवारी) सादर होणार आहे.
आगामी निवडणुका आणि कोरोना संकट कायम असताना स्थायी समितीला सादर केल्या जाणाऱ्या या बजेटबाबत सर्वांनाच उत्सुकता लागली आहे. तत्पूर्वी यावरच मुंबईच्या महापौर किशोरी पेडणेकर (Mumbai Mayor Kishori Pednekar) यांनी प्रतिक्रिया दिली आहे.

“उद्या BMC चा अर्थसंकल्प सादर (Mumbai Municipal Corporation Budget) होणार आहे. शिवसेना निवडणुका डोळ्यासमोर ठेवून ‘जुमले का अर्थसंकल्प’ सादर करत नाही, तर आम्ही लोकाभिमुख अर्थसंकल्प सादर करतो. आगामी बीएमसी निवडणुकीसाठी शिवसेना पूर्णपणे सज्ज असून यावेळीही विजयी होईल”, अशी आशा महापौर किशोरी पेडणेकर यांनी व्यक्त केली आहे.

तसेच ‘जुमले का अर्थसंकल्प’ म्हणत त्यांनी अप्रत्यक्ष विरोधी पक्षाला चांगलाच टोलाही लगावला आहे. कालच (१ फेब्रुवारी)केंद्रीय अर्थमंत्री निर्मला सितारमण यांनी २०२२-२३ चा केंद्रीय अर्थसंकल्प सादर केला. यावर महाविकास आघाडी सरकारमधील नेत्यांनी महाराष्ट्राला काहीही मिळाले नसल्याची टीका केली आहे. तर आत किशोरी पेडणेकर यांनी ‘जुमले का अर्थसंकल्प’ म्हणत अप्रत्यक्ष विरोधी पक्षावर निशाणा साधला आहे.

महत्वाच्या बातम्या:

• सूर्यकुमार यादवने घेतली धोनीची आवडती चारचाकी गाडी
• ‘युतीच्या चर्चेत पडू नका’; राज ठाकरेंचा कार्यकर्त्यांना आदेश
• “…ला सर्व स्तरातून विरोध होत असल्याचे शरद पवारांच्या लक्षात आले असावे”, फडणवीसांचा टोला
• सरकारी संस्था तोट्यात असतांना सर्वसामान्य युवकांना नोकर्‍या देणार कशा? अर्थमंत्र्यांनी उत्तर द्यावे-सतीश चव्हाण
• MHD Explains: शेतकरी आंदोलनाचा केंद्र सरकारने २०२२ च्या अर्थसंकल्पात बदला घेतला का?