अमरावती : राष्ट्रवादी काँग्रेस पक्षाचे राष्ट्रीय अध्यक्ष शरद पवार (Sharad Pawar) हे आज (१० एप्रिल) विदर्भ दौऱ्यावर असून दोन मोठे कार्यक्रम तसेच दोन बैठकांसाठी ते आज दुपारी अमरावतीत येत आहेत. तसेच यावेळी ते पदाधिकारी व कार्यकर्त्यांशी संवादही साधणार आहेत.
यासंदर्भात प्रसार माध्यमांशी संवाद साधत असतांना राष्ट्रवादी काँग्रेसचे प्रदेश उपाध्यक्ष तथा विभागीय संपर्क प्रमुख संजय खोडके (Sanjay Khodake) म्हणाले की,‘राष्ट्रवादी काँग्रेस पार्टीला नवी बळकटी देण्यासह पदाधिकारी व कार्यकर्त्यांशी संवाद साधून पक्षाची स्थिती जाणून घेण्याकरिता राष्ट्रवादी काँग्रेस पार्टीची संवाद बैठक आज सायंकाळी ५ वाजता अमरावती येथील संत ज्ञानेश्वर सांस्कृतिक भवन येथे होणार आहे.’
दरम्यान, या बैठकीला शरद पवार तसेच प्रदेशाध्यक्ष जयंत पाटील व जेष्ठ नेत्यांचे मार्गदर्शन लाभणार आहे. यावेळी अमरावती विभागातील पाचही जिल्ह्यातील मंत्रीगण, आमदार, माजी आमदार, पक्षाचे प्रदेश पदाधिकारी, जिल्हा निरीक्षक सर्व जिल्हाध्यक्ष, त्याचबरोबर राष्ट्रवादीच्या सर्व फ्रंटचे पदाधिकारी व कार्यकर्ते यांच्याशी संवाद करून पक्ष बळकटीला घेऊन शरद पवार यांचे बहुमोल मार्गदर्शन लाभणार आहे, असेही खोडके म्हणाले.
महत्त्वाच्या बातम्या –
- “केंद्रीय तपास यंत्रणेचा वापर करून आजचे सत्ताधारी…”, संजय राऊतांचा हल्लाबोल
- पंतप्रधान मोदी आणि शरद पवारांच्या भेटीवर संजय राऊतांची प्रतिक्रिया; म्हणाले…
- …हा विषय राज्य सरकारच्या तपास यंत्रणांनी अर्धवट सोडता कामा नये- संजय राऊत
- “यंत्रणांचे राजकीय ‘बॉस’ जे टार्गेट देतील त्यानुसार कारवाया सुरु”, राऊतांचा गंभीर आरोप
- “बळकावलेल्या जमिनी बाहेर काढल्या म्हणून सदावर्तेंना अटक’; जयश्री पाटील यांचा आरोप
