पुणे : संपूर्ण जग विविध क्षेत्रांमध्ये कितीही पुढे गेलं, इतकंच नाहीतर माणूस चंद्रावर देखील जाऊन आला. तरी काही गोष्टींबाबतचे आपल्या मनातले ग्रह अजून जुनेच आहेत. यामध्ये प्रामुख्याने सेक्स हा विषय येता. सेक्स हा विषय आपल्या भारतात तरी चार-चौघात बोलला जात नाही. म्हणजे हा विषय बोलताना बोलणाऱ्याला आणि त्याचबरोबर ऐकणाऱ्यालाही संकोचित व्हायला होतं. असं असताना इतक्याच सेक्सविषया संदर्भातील जाहिरात सध्या सोशल मीडियावर व्हायरल होत आहे. या जाहिरातीमुळे पुणे शहरामध्ये मोठी खळबळ उडाली असल्याचं समजतं आहे.
‘या’ जाहिरातीमुळे पुणे शहरात उडाली खळबळ-
सोशल मीडियावर जी जाहिरात ती सत्यम् शिवम् सुंदरम् फाउंडेशनतर्फे सेक्स प्रशिक्षण कॅम्पची जाहिरात करण्यात आली आहे. हा कॅम्प नवरात्र स्पेशल असून, ही जाहिरात ‘सेक्स तंत्र’ नावाने आहे. या जाहिरातीमध्ये असं नमूद करण्यात आलं आहे की, 1 ते 3 ऑक्टोबरदरम्यान 3 दिवस 2 रात्र लैंगिक प्रशिक्षण अभ्यासक्रम राबविला जाणार आहे.
काय आहे ती जाहिरात ?
कॅम्पमध्ये भाग घेण्यासाठी ऑनलाइन नोंदणी पद्धत असून त्यासाठी एक क्रमांक दिला गेला आहे. यामध्ये प्रति व्यक्तीकडून १५ हजार रुपये शुल्क आकारले जाणार आहे. त्याचबरोबर या कॅम्प दरम्यान वैदिक सेक्स, तंत्रासह चक्र अॅक्टिव्हेशन, ओशो मेडिएशन यासारख्या अनेक गोष्टी शिकविल्या जाणार असल्याचं जाहिरातीमध्ये सांगितलं गेलं आहे.
तसेच, याविषयी माहिती देताना सायबरचे सहायक पोलीस निरीक्षक कुमार चाहने म्हणाले, सोशल मीडियावर ही जाहिरात मोठ्या प्रमाणावर व्हायरल झाल्यानंतर आम्ही जाहिरातीतील नमूद क्रमांकावर संपर्क केला. मात्र तो होता. त्यामुळे आम्ही कंपनीला मेल पाठविला असून, त्याचे उत्तर अद्याप आलेलं नाही. त्यामुळे ही जाहिरात फसवणुकीचा नवा फंडा तर नाही ना? अशी शंकाही नागरिकांकडून व्यक्त केली जात असल्याचं त्यांनी सांगितलं.
महत्वाच्या बातम्या :
- Atul Londhe | “एकनाथ शिंदे यांनी संपूर्ण महाराष्ट्राशी गद्दारी केली आहे”
- BJP । आदित्य ठाकरे यांच्या ‘या’ एका चुकीमुळे वेदांता गुजरातला गेला; भाजपच्या ‘या’ बड्या नेत्याचा थेट आरोप
- Shivsena । विरोधकांना एकत्र आणण्यासाठी पवार हे दिल्लीत असे षड्डू ठोकत आहेत, पण…; शिवसेनेचं दिल्लीतील घडामोडींवर भाष्य
- Narayan Rane | “…आम्ही समर्थ आहोत”; शरद पवरांच्या ‘त्या’ वक्तव्यावर राणेंचं प्रत्युत्तर
- Ravi Rana । अनिल परबांवर टांगती तलवार, कुठल्याही क्षणी अटक होईल; रवी राणांचा मोठा दावा
