मुंबई : पुण्यामध्ये काल राष्ट्रवादीची पत्रकार परिषद होती. त्यावेळी राष्ट्रवादीचे सर्वेसर्वा शरद पवार यांनी वेदांत प्रकरणावरून सरकारवर निशाणा साधला होता. राज्यात उद्योगांसाठी पोषक वातावरण राहिलं नसल्याचं पवारांनी म्हटलं होतं. त्यांच्या या वक्तव्याला केंद्रीय मंत्री नारायण राणे यांनी प्रत्युत्तर दिलं आहे.
नारायण राणे यांचा पवारांवर हल्ला –
अडीच वर्षांत शरद पवारांच्या तीन पक्षांच्या राजवटीत उद्योगाला पोषक वातावरण नव्हतं. म्हणून इथून उद्योग गेले आहेत. आता उद्योग गेल्यानंतर हात चोळत बसण्यात अर्थ नाही. आम्ही बघू आता.आम्ही समर्थ आहोत, असं म्हणत नारायण राणे यांनी शरद पवार यांच्यावर निशाणा साधला आहे. नारायण राणे यांनी प्रसारमाध्यमांशी संवाद साधला, त्यावेळी ते बोलत होते.
तुम्ही आता बढाया मारू नका –
पुढे ते असं म्हणाले की, सत्तेवर व्यवस्थित बसू तर द्या. बसायच्या आधीच ते दोन तासांचा अनुभव सांगतात. चार वेळा ते मुख्यमंत्री होते. त्यानंतर महाराष्ट्रात औद्योगिक क्रांती झाली असती. का झाली नाही? अडीच वर्षांत तशी का दिसली नाही? अडीच वर्षं त्यांचे मुख्यमंत्री मातोश्रीवर का बसले होते? उगाच आता बढाया मारू नका. गप्प बसा, आम्ही समर्थ आहोत राज्य सांभाळायला आणि औद्योगिक प्रगती करायला.
दरम्यान, आम्ही सत्तेत असताना मला मंत्रालयात रोज देशातल्या आणि देशाबाहेरच्या गुंतवणूकदारांशी बोलण्यासाठी वेळ काढायला लागायचा. दोन तास रोज द्यावे लागत होते. आज आपण ते वातावरण निर्माण करू, असं देखील शरद पवार यांनी म्हटलं होतं
महत्वाच्या बातम्या :
- Sharad Pawar | वेदांत प्रकल्पावरून शरद पवारांचा मुख्यमंत्री शिंदेंवर हल्ला, म्हणाले…
- Eknath Shinde । परळ येथील संत रोहिदास भवन प्रकल्पाच्या बांधकामासाठी भरीव निधी – एकनाथ शिंदे
- Ajit Pawar । आता बाळासाहेब असते तर बिन पाण्याने केली असती; अजित पवारांची शिंदे गटावर आक्रमक टीका
- Explainer | 1.54 लाख कोटींचा वेदांता फॉक्सकॉन-प्रकल्प काय आहे, तो महाराष्ट्रातून गुजरातमध्ये कसा गेला?
- Fitness Tips | ‘हे’ एरोबिक व्यायाम महिलांचे वजन कमी करण्यासाठी आहेत सर्वोत्तम, तणाव देखील होतो कमी
बातम्यांसाठी YouTube चॅनेल Subscribe करा
Subscribe Now
