मुंबई : रणजी ट्रॉफीमध्ये मुंबईचा फलंदाज सरफराज खान सध्या धडाकेबाज फॉर्ममध्ये आहे. रणजी ट्रॉफीच्या केवळ ४ सामन्यांमध्ये सरफराजने ७०० हून अधिक धावा केल्या आहेत. यादरम्यान त्याने १ अर्धशतक, २ शतके आणि १ द्विशतक झळकावले आहे. सरफराजने विरोधी संघाच्या गोलंदाजांचा धुव्वा उडवला आहे. ऋषभ पंत आणि इशान किशन यांनी आपली दावेदारी चांगली मांडली. त्यामुळे भारताच्या सर्वात प्रतिभावान खेळाडूंपैकी एक मानल्या जाणाऱ्या सरफराज खानला भारतीय संघात संधी मिळू शकली नाही. मात्र, सरफराज खानने भारतीय देशांतर्गत क्रिकेटमध्ये चमकदार कामगिरी केली करत भरपूर धावा केल्या आहेत.
सरफराज खानने इएसपीएन क्रिकइन्फोशी केलेल्या संभाषणात सांगितले की, त्याने स्वतःला रन मशीनमध्ये कसे बदलले. सर्फराज म्हणाला, ‘मी आक्रमक खेळाडू आहे. पण जर आक्रमण करणाऱ्या फलंदाजाने थोडा संयम वाढवला तर तो अधिक धोकादायक बनू शकतो. माझ्या खेळण्याच्या शैलीत अजूनही काही समस्या आहे. पण मी आणि माझ्या वडिलांनी या समस्यावर खूप काम केले. मी खेळपट्टीवर टिकून राहायला शिकलो आणि लाल चेंडूच्या क्रिकेटमध्ये माझा ऑफ-स्टंप कुठे आहे हे शोधून काढले.’
त्याच्या कामगिरीबद्दल बोलताना सरफराज म्हणाला, ‘मी दररोज सुमारे ६००-७०० चेंडूंचा सामना करतो. ज्यामध्ये क्रॉस ग्राऊंड आणि घराचाही समावेश होतो. विशेषत: स्विंग चेंडूच्या विरोधात जर टी-२० चा विचार केला तर मी नेटमध्ये शॉट्सचा सराव करतो. पुल आणि कट शॉट्स खेळतो. प्रथम श्रेणी क्रिकेटमध्ये माझे लक्ष चेंडू सोडण्यावर असते कारण एकदा तुम्ही पहिला तास घेतला की तुम्ही आरामात खेळू शकता आणि माझ्यासारख्या आक्रमक फलंदाजाला कोणीही रोखू शकत नाही.”
त्याच्या तयारीबद्दल बोलताना सरफराज म्हणाला, ‘माझ्या घरी जी खेळपट्टी आहे तिच्यावर सराव करणे सर्वात कठीण आहे. जेव्हा मी सामने खेळायला जातो तेव्हा मला खेळपट्टी अस्ताव्यस्त वाटत नाही. कारण मी ज्या सरावातून जातो त्यामुळे मला इतर ठिकाणी खेळपट्टी अवघड वाटत नाही. त्यात बाऊन्स, स्पीड, कट आणि हे सर्व आहे.’ रणजी ट्रॉफीच्या उपांत्यपूर्व सामन्यात मुंबईने उत्तराखंडचा ७२५ धावांच्या विक्रमी फरकाने पराभव केला. आता १४ जून रोजी उपांत्य फेरीत मुंबईचा सामना उत्तर प्रदेशशी होणार आहे. उत्तर प्रदेशने कर्नाटकचा पराभव करून जोरदार पुनरागमन केले आहे.
महत्वाच्या बातम्या:
