मुंबई: शिवसेना खासदार संजय राऊत यांना ईडीने पुन्हा एकदा समन्स बजावले आहे. संसदेचे पावसाळी अधिवेशन सुरू असल्याने ईडीच्या समन्सनुसार चौकशीसाठी उपस्थित राहता येणार नसल्याने ७ ऑगस्ट रोजी चौकशीसाठी येण्याची परवानगी द्यावी, अशी मागणी संजय राऊत यांनी ईडीकडे केली. मात्र ईडीने ही मागणी मान्य न करता २७ जुलै रोजी हजर राहण्याचे नवे समन्स बुधवारी जारी केले. या पार्श्वभूमीवरच संजय राऊत (Sanjay Raut) यांनी आज केलेले ट्वीट चर्चेत आले आहे.
“मनुष्य का हमेशा डर के माध्यम से ही शोषण किया जाता है”, जो डर गया वो मर गया. जय महाराष्ट्र! असे ट्वीट संजय राऊत यांनी केले आहे. यापूर्वीच मुंबईचे माजी पोलीस आयुक्त संजय पांडे यांना ईडीने अटक केली असून भाजपकडून आता संजय राऊतांचा नंबर असल्याचे म्हटले जात आहे.
मनुष्य का हमेशा
डर के माध्यम से ही
शोषण किया जाता है !
__ ओशो
जो डर गया वो मर गया.
जय महाराष्ट्र! pic.twitter.com/7R1PWnUrxL— Sanjay Raut (@rautsanjay61) July 21, 2022
दरम्यान यापूर्वी ईडीने संजय राऊत यांची १ जुलै रोजी १० तास चौकशी केली होती. गोरेगाव येथील पत्राचाळ पुनर्विकासामध्ये १०३९ कोटी रुपयांचा घोटाळा झाल्याचा आरोप असून ईडीने संजय राऊत यांना बुधवारी सकाळी ११ वाजता चौकशीसाठी बोलावले होते. मात्र, सध्या संसदेच्या अधिवेशनामुळे राऊत दिल्लीत आहेत. आता राऊत यांना २७ जुलै रोजी चौकशीसाठी हजर राहावे लागणार आहे.
केंद्रीय तपास यंत्रणांबद्दल मला पूर्ण आदर असून, त्यांना चौकशीसाठी संपूर्ण सहकार्य करणार असल्याचे संजय राऊत यांनी म्हटले आहे. दरम्यान संजय राऊत यांचे निकटवर्तीय आणि गुरू आशिष कन्स्ट्रक्शन कंपनीचे माजी संचालक प्रवीण राऊत, राकेशकुमार वाधवान, सारंगकुमार वाधवान यांच्या विरोधातही म्हाडा अधिकाऱ्यांनी तक्रार दिली होती. त्यामुळे या घोटाळ्याची सूत्रे ईडीने घेतली आहे.
महत्वाच्या बातम्या:
- Presidential Election Result: देशाचे १५ वे राष्ट्रपती कोण?; आज होणार फैसला
- LLC 2022 : लिजेंड लीग क्रिकेटमध्ये खेळण्याबाबत बीसीसीआय अध्यक्ष सौरव गांगुलींनी दिले उत्तर, म्हणाले…!
- Pratap Sarnaik : ठाणे आणि मिरभाईंदरच्या विकासासाठी मुख्यमंत्र्यानी 900 कोटी दिले – प्रताप सरनाईक
- Viral Video : हॉटेलमध्ये नाना पटोलेंच्या खांद्यावर महिलेचं डोकं असलेला व्हिडीओ, चित्रा वाघ यांचं ट्विट
- Ben Stokes : बेन स्टोक्सच्या निवृत्तीनंतर रवी शास्त्रींनी खेळाडूंच्या तणावाबाबत काढला नवा फॉर्म्युला, म्हणाले…!
