Sanjay Raut : “भारतीय जनता पक्ष एक महाशक्ती…”, संजय राऊतांचा खोचक टोला

🕒 1 min read

मुंबई: एकनाथ शिंदे यांच्यासह अनेक शिवसेना आमदारांनी सेनेशी बंड केला आहे. याचा परिणाम महाविकास आघाडी सरकारवरही झाला आहे. काल मुख्यमंत्री उद्धव ठाकरे यांनी शिवसैनिकांशी ऑनलाईन संवाद साधत बंड आमदारांना चांगलेच सुनावले आहे. आता शिवसेना खासदार संजय राऊत (Sanjay Raut) यांनी आजच्या सामना अग्रलेखातून थेट भाजपवर निशाणा साधला आहे.

महाराष्ट्राचेच नव्हे, तर अखिल भारताचे डोळे ज्याकडे लागले होते ते कार्य पूर्ण होताना दिसत आहे. सुरतच्या ‘मेरिडिअन’ हॉटेलमध्ये अर्धवट राहिलेले ‘चिंतन’ कार्य अखेर ईशान्येकडील गुवाहाटी शहरात मार्गी लागले. गुवाहाटीस्थित ‘रॅडिसन ब्लू’ योग शिबिरात महाराष्ट्रातील चाळिसेक आमदारांचे सखोल चिंतन शिबीर सुरू आहे. त्या शिबिरात असा ठराव संमत झाला की, ‘‘भारतीय जनता पक्ष एक महाशक्ती आहे. ही महाशक्ती आपल्या पाठीशी असल्याने आपल्याला चिंता नाही.’’ आसामच्या योग शिबिरात जे चाळिसेक योगार्थी आहेत ते कोण व कोठून आले, ते आता अखिल भारतास समजले. शिवसेनेचे पळवून नेलेले चाळिसेक आमदार गुवाहाटीमध्ये असून त्यांची चोख व्यवस्था भारतीय जनता पक्षाने केल्याने या महाशक्तीचा काही जणांना नव्याने साक्षात्कार झालेला दिसतो. असा टोला संजय राऊत यांनी लगावला आहे.

योग शिबिराच्या प्रमुखांनी त्यांची भूमिका अधिक सुस्पष्ट करताना जाहीर केले की, ‘‘भाजपा या महाशक्तीने पाकिस्तानला धडा शिकवला आहे. त्या महाशक्तीचा आपल्याला पाठिंबा आहे.’’ आसामातून अनेक दिव्य विचार सध्या महाराष्ट्रापर्यंत पोहोचत आहेत. भारतापासून स्वाभिमानापर्यंत नव्याने साक्षात्कार होत आहेत. बरं, या महाशक्तीने पाकिस्तानला धडा शिकविला म्हणजे काय केले? योग शिबिरातील मंडळींना पाकिस्तानबाबत जे ज्ञान मिळत आहे, त्यावर काय बोलावे? पाकिस्तानची जिरवली किंवा पाकिस्तानला धडा शिकवल्याचे कोणते नवे पुरावे गुवाहाटीच्या योग शिबिरात समोर आणले? काश्मीरात पाकिस्तानची घुसखोरी कायम आहेच, पण मोठ्या प्रमाणात हिंदू पंडितांचे हत्याकांड सुरू आहे. हिंदूंनी पलायन केले व जाताना भारतीय जनता पक्षाला शाप दिले. असे सामना अग्रलेखात म्हटले आहे.

महत्वाच्या बातम्या:

• Keshav Upadhye : “भावी शिवसेनाप्रमुख जाहीर…”, ‘त्या’ वक्तव्यावरून भाजपचा मुख्यमंत्र्यांवर निशाणा
• Nilesh Rane : “लंगोट गेली पण माज…”, उद्धव ठाकरेंच्या सभेवर निलेश राणेंची टीका
• Sujat Ambedkar : “गुवाहाटीध्ये काही कट्टर मराठी लोक अडकलेत, त्यांना परत आणण्यासाठी…”; सुजात आंबेडकरांच ट्विट चर्चेत
• Deepali Sayed : “शालिनी बाई उगाच कळ काढु नका, तुमचे मामु बरे होण्याआगोदरच पक्ष सपाट होईल तुमचा”
• Kavita Navande Suspended : अखेर औरंगाबादच्या जिल्हा क्रीडा अधिकारी कविता नावंदे निलंबित!