मुंबई : बॉलिवूड अभिनेता संजय दत्तने शनिवारी केंद्रीय मंत्री नितिन गडकरी यांच्या घरी जाऊन त्यांची भेट घेतली. मात्र, संजय दत्तच्या या दौऱ्याबाबत अधिकृत माहिती समजू शकलेली नाही. संजय दत्तच्या या भेटीमुळे त्याची राजकारणात येण्याची ही तयारी असल्याची चर्चा सध्या सुरू झाली आहे.
संजय दत्त शनिवारी नागपूरमध्ये होता. तो वर्धा रोड इथे असलेल्या नितिन गडकरींच्या निवासस्थानी त्यांची भेट घेण्यासाठी पोहोचला. त्यांना भेटल्यानंतर संजय दत्तने नितिन गडकरींच्या पायांना स्पर्श करून त्यांचे आशिर्वाद देखील घेतले.
https://www.instagram.com/p/CPxRkQ0LSAi/?utm_medium=copy_link
अभिनेता संजय दत्त गेल्या शनिवारी एका खाजगी कारणासाठी नागपूरमध्ये गेला होता. नितिन गडकरी आणि नितिन राऊत यांची भेट घेऊन तो त्याच रात्री मुंबईत परतला, अशी माहिती कॉंग्रेस प्रवक्ते संजय दुबे यांनी दिली. संजय दुबे यांचा मुलगा आणि संजय दत्त या दोघांमध्ये घट्ट मैत्री आहे. त्यावेळी अभिनेता संजय दत्तने जाहीरपणे सांगितलं होतं की, त्याला राजकारणात येण्याबाबत कोणतीही इच्छा नाही.
महत्वाच्या बातम्या
- ‘नावे ठेवणारे आता आमचेच अनुकरण करत आहेत’, विनायक मेटेंचा छत्रपती संभाजीराजेंना टोला
- मोदी सरकारनेच अदर पुनावाला यांना धमकी दिली; मुश्रीफांचा गंभीर आरोप
- संतापजनक : समाजकंटक पर्यटकांनी केली तोरणा किल्ल्याच्या बुरुजाची नासधूस
- ‘पहाटेच्या शपथविधीनंतर साहेबांनी घरी घेतलं नसतं, तर तुमची लायकी काय झाली असती?’
- ‘ट्विटरच्या जिवावर निवडणुका जिंकल्या, मग आता भाजपचा विरोध का?’ शिवसेनेचा मोदींना सवाल
