मुंबई: कर्नाटकाची राजधानी बंगळूर येथे छत्रपती शिवाजी महाराजांच्या मूर्तीची विटंबना करण्यात आल्याची घटना घडली आहे. समाजकंटकांनी गुरुवारी रात्री महाराजांच्या मूर्तीवर काळा रंग ओतल्याने आता राज्यभर संताप व्यक्त केला जात आहे. यावरच काँग्रेस नेते सचिन सावंत यांनी भाजपवर निशाणा साधत संताप व्यक्त केला आहे.
‘बंगळुरूला महाराष्ट्राचे मानबिंदू व आराध्य दैवत असलेल्या छत्रपती शिवाजी महाराजांच्या पुतळ्याची झालेली विटंबना असहनीय आहे. भाजपा मोदींची तुलना शिवरायांशी करते. चंद्रकांत पाटील महाराजांनी व्होट बँक तयार केली असे म्हणून महाराजांचा अवमान करतात. महाराष्ट्र हे कदापि सहन करणार नाही.’ असे ट्वीट करत सचिन सावंत यांनी संताप व्यक्त केला आहे. तसेच भाजपला इशारा दिला आहे.
बंगळुरूला महाराष्ट्राचे मानबिंदू व आराध्य दैवत असलेल्या छत्रपती शिवाजी महाराजांच्या पुतळ्याची झालेली विटंबना असहनीय आहे. भाजपा मोदींची तुलना शिवरायांशी करते. चंद्रकांत पाटील महाराजांनी व्होट बँक तयार केली असे म्हणून महाराजांचा अवमान करतात. महाराष्ट्र हे कदापि सहन करणार नाही.
— Sachin Sawant सचिन सावंत (@sachin_inc) December 17, 2021
दरम्यान या घटनेचा निषेध करण्यासाठी बेळगावमध्ये रास्ता रोको करत मराठी भाषिक आक्रमक झाले आहेत. बेळगावमधील धर्मवीर संभाजी चौकात तणाव निर्माण झाला आहे. आता या घटनेचा राज्यभरातून संताप व्यक्त करण्यात येत आहे. महाराजांच्या मूर्तीवर काळा रंग ओतण्याचा व्हिडीओही या समाजकंटकांनी व्हायरल केला आहे.
महत्त्वाच्या बातम्या
- पेपरफुटी प्रकरणात राज्य परीक्षा परिषदेचे आयुक्त तुकाराम सुपे यांना अटक
- ‘हे पाहून इतिहासात केवळ मोदींनीच गंगेत स्नान केलंय असं वाटतंय’
- कोहलीला डच्चू देत आकाश चोप्राने 2021 च्या टॉप पाच कसोटी फलंदाजांची केली निवड
- ‘बेताल, बेजबाबदार, असंवेदनशील पुरूषीवृत्ती कडूनच महिलांचे रक्षण करण्याची गरज’
- ‘अनिल परबांनी अनेकदा मूभा दिली पण आता सहनशीलता संपली आहे’
