मुंबई : राज्य आणि देशात गेल्या काही दिवसापासून कोरोनाच्या संसर्गाने पुन्हा डोके वर काढले आहे. या संसर्गाच्या सावटाखाली भारतात आयपीएल स्पर्धा सुरु आहे. कोरोनाच्या या लाटीत अनेक मान्यवराना संसर्गाची लागण झाली. देशात अनेक ठिकाणी ऑक्सिजन आणि अपुऱ्या औषधापोटी रुग्णांना जीव गमवावा लागत आहे.
या दरम्यान आयपीएलमधील राजस्थान रॉयल्स संघाचा सलामीवीर मनन वोहराच्या आजोबाचे कोरोना संसर्गामुळे निधन झाल्याची बातमी समोर आली आहे. मनन वोहराचे आजोबा यश पाल वोहरा यांचे ३० एप्रिल रोजी निधन झाले. ते ९२ वर्षाचे होते. माजी हॉकीपटू आणि क्रीडा प्रशासक असलेले यश पाल वोहरा यांना काही दिवसांपुर्वी कोरोनाची लागण झाली होती. मनन वोहराचे आई-वडीलानांही कोरोनाची लागण झाली होती. उपचारानंतर आई-वडील कोरोनातून पूर्णपणे बरे झाले. मात्र कोरोनाविरुद्धच्या लढाईत त्याचे आजोबा मात्र पराभूत झाले.
आजोबाच्या निधनाची वार्ता समजताच मनन दु:खी झाला होता. आजोबाच्या अंतिम संस्कारासाठी त्याला दिल्ली येथील घरी जायचे होते. त्याने यासाठी स्पर्धा अर्ध्यावर सोडण्याचा निर्णयही घेतला होता. मात्र त्याचे वडिल संजीव वोहरा यांनी मननला त्याच्या आजोबाची शेवटची इच्छा सांगितली की,’त्यांच्या मृत्यूनंतर घरी न येता संघासोबतच थांबावे’. या इच्छेखातर मनन वोहराने घरी न जाता संघासोबत थांबण्याचा निर्णय घेतला आहे. स्पर्धेत आतापर्यंत मनन वोहराने ४ सामन्यात ४२ धावा केल्या आहे.
महत्त्वाच्या बातम्या
- ‘आपण एकजूट दाखवली तर या विषाणूविरोधातील चळवळ यशस्वी होईल’
- केंद्राकडून राज्यांना मदतीचा हात, 8873.6 कोटी रुपयांचा दिला अॅडवान्समध्ये निधी
- भारतात आता लसीची कमतरता जाणवणार नाही,सीरम कंपनीने घेतला ‘हा’ मोठा निर्णय
- भारताला आता कडक लॉकडाऊनची गरज, ज्यो बायडन यांच्या प्रमुख आरोग्य सल्लागाराचे मत
- शिवभोजन थाळीने पार केला ४ कोटींचा टप्पा
