मुंबई : राज्यातील कोरोनाची परिस्थिती आटोक्यात येत असून आता विविध प्रकारच्या निवडणुकांचे वेध लागले आहेत. नुकत्याच ग्रामपंचायती निवडणूक पार पडल्या. या निवडणुकांसाठी देखील मनसेने रणनीती आखली होती. आता येत्या महापालिका निवडणुकांच्या पार्श्वभूमीवर मनसेने जय्यत तयारी सुरु केली आहे.
दोन आठवड्यांपूर्वी मनसे अध्यक्ष राज ठाकरेंच्या उपस्थितीत मनसेची महत्वपूर्ण बैठक पार पडली होती. यानंतर, आज पुन्हा एकदा राज्यभरातील प्रमुख नेत्यांच्या व पदाधिकाऱ्यांच्या उपस्थितीत मनसेची बैठक झाली आहे. मनसे नेते बाळा नांदगावकर, अविनाश अभयंकर, गजानन काळे, यांच्यासह अनेक नेते या बैठकीला उपस्थित आहेत. तर, बैठकीला राज ठाकरे यांचे पुत्र अमित ठाकरे व स्नुषा मिताली ठाकरे या देखील उपस्थित राहिल्या आहेत.
पक्षाच्या मोठ्या बैठकीला मिताली ठाकरे यांनी उपस्थिती लावल्यामुळे चर्चांना उधाण आलं आहे. आता त्यांचं देखील राजकीय क्षेत्रात पदापर्ण होणार का ? पक्ष त्यांच्यावर कोणती जबाबदारी सोपवणार का ? असे सवाल उपस्थित केले जात आहेत. मागील बैठकीतच राज ठाकरे यांनी विविध महापालिका व स्थानिक निवडणुकांसाठी प्रत्येक शहरानुसार टीम तयार करण्याचे आदेश दिले आहेत. या बैठकीत मनसेची राज्यस्तरीय कोअर कमिटी तयार करुन, निवडणुकांची रणनीती आखली जाणार आहे. या कमिटीतर्फे निवडणूक हाताळल्या जातील. यासंदर्भात टीव्ही ९ मराठीने वृत्त दिले आहे.
महत्वाच्या बातम्या –
- ‘समान गुण असूनही प्रवेश मिळण्यास अडचण’, साष्टपिंपळगावच्या विद्यार्थ्यांची खंत
- ‘महाराष्ट्र देशा’ थेट साष्टपिंपळगावात, मराठा आरक्षण आंदोलनाच्या ठिणगीचे मशालीत रुपांतर
- ‘तुम्ही कितीही सत्तेचा माज दाखवा पण ते शेतकरी आहेत तुमचा माज उतरवूनच जाणार’
- मुंबईकरांवर लोकल प्रवासासाठी वेळेचं बंधन; मनसेची खोचक टीका
- धनश्री काडगावकरच्या घरी चिमुकल्याचे आगमन
बातम्यांसाठी YouTube चॅनेल Subscribe करा
Subscribe Now
