नवी दिल्ली : महाराष्ट्रासह देशभरात पुन्हा एकदा कोरोनाचा प्रसार वेगाने होत आहे. कोरोना रुग्णांचा आकडा दिवसेंदिवस वाढतच आहे. अनेक उपाययोजना राज्यभरात राबवल्या जात आहेत. कोरोनाला नियंत्रणात आणण्यासाठी आवश्यक ते सर्व प्रयत्न प्रशासनाकडून करण्यात येत आहेत. तर दुसरीकडे लसीकरण देखील सुरु आहे.
कोरोनाच्या विळख्यात अनेक नेते अडकत आहेत. कालच भारताचे माजी पंतप्रधान मनमोहन सिंग यांना कोरोनाची लागण झाल्याचे समोर आले होते. आता कॉंग्रेसचे बडे नेते राहुल गांधी यांनी देखील कोरोनाची लागण झाली आहे. स्वतः ट्विट करून राहुल गांधी यांनी हि माहिती दिली आहे. कोरोना विषयक लक्षणं जाणवू लागल्यानंतर कोरोनाची चाचणी केली होती. कोरोना चाचणीचा रिपोर्ट पॉझिटिव्ह आला आहे, अशी माहिती राहुल गांधी यांनी दिली. अलीकडच्या काळात जे संपर्कात आले होते, त्यांनी कोरोनासंदर्भातील नियमांचं पालन करावं. कोरोना चाचणी करुन घ्यावी आणि सुरक्षित राहावं, असं आवाहन राहुल गांधी यांनी केलं आहे.
After experiencing mild symptoms, I’ve just tested positive for COVID.
All those who’ve been in contact with me recently, please follow all safety protocols and stay safe.
— Rahul Gandhi (@RahulGandhi) April 20, 2021
दरम्यान, दोन दिवसांपूर्वीच राहुल गांधी यांनी कोरोनाचा कोरोनाचा वाढता प्रभाव पाहता पश्चिम बंगाल मधील सर्व प्रचार सभा रद्द केल्याची घोषणा केली होती तर अन्य राज्यकीय पक्षांना देखील राहुल गांधीनी असेच आवाहन केले होते.
महत्वाच्या बातम्या
- ‘नवाब मलिकांनी आता तरी तोंड काळे करावे’, भाजपच्या अतुल भातकळकरांचे आव्हान
- राज्यात ३ ते ४ दिवसात ‘रेमडेसिवीर’चा पुरवठा सुरळीत होणार– डॉ. राजेंद्र शिंगणे
- कोरोनाची गाडी सुसाट! जालन्यात हजार चाचण्यांमागे ३०० लोक बाधित
- ‘टाइम पास ३’ च्या हक्कावरुन निर्माते आणि दिग्दर्शकात खडाजंगी
- वर्क फ्रॉम होम करताय? महावितरणने दिला ‘हा’ इशारा
