उत्तराखंडच्या मुख्यमंत्रीपदी पुष्कर सिंह धामी विराजमान !

डेहराडून : काही महिन्यांपूर्वीच मुख्यमंत्रीपदी विराजमान झालेल्या तीरथ सिंह रावत यांनी उत्तराखंडच्या मुख्यमंत्रीपदाचा राजीनामा दिला होता. शुक्रवारी रात्री साडेअकरा वाजता तीरथसिंग रावत यांनी राज्यपालांकडे मुख्यमंत्रीपदाचा राजीनामा सोपविला होता. त्यानंतर आता भारतीय जनता पक्षाचे आमदार पुष्कर सिंह धामी यांनी मुख्यमंत्रिपदाची शपथ घेतली आहे.

४५ व्या वर्षांच्या धामी यांनी आज डेहराडूनमध्ये मुख्यमंत्रिपदाची शपथ घेतली. ते उत्तराखंडचे सर्वाधिक तरुण मुख्यमंत्री ठरले आहेत. राज्यपाल बेबीरानी मौर्य यांनी धामी यांना मुख्यमंत्रिपदाची शपथ दिली. धामी उत्तराखंडचे ११ वे मुख्यमंत्री ठरले आहेत. मुख्यमंत्री झाल्यानंतर सतपाल महाराज, हरकसिंग रावत, डॉ. धनसिंग रावत, बन्सीधर भगत, यशपाल आर्य, सुबोध उनियाल, अरविंद पांडे, बिशनसिंग, गणेश जोशी, रेखा आर्य आणि यतिश्वरानंद यांना पदाची शपथ दिली गेली. मंत्री झालेल्या सर्व आमदारांचा यापूर्वी मंत्रिमंडळात समावेश होता.

पिथौरागडमध्ये जन्मलेले 45 वर्षांचे पुष्करसिंह धामी हे राज्यातील सर्वात तरुण मुख्यमंत्री आहेत. दोन वेळा आमदार राहिलेले धामी उत्तराखंड सरकारमध्ये कधी मंत्रीही झाले नव्हते, परंतु आता ते थेट मुख्यमंत्रिपदाची सूत्रे स्वीकारतील.

BJP MLA Pushkar Singh Dhami sworn-in as the next Chief Minister of Uttarakhand, at a programme in Raj Bhawan, Dehradun pic.twitter.com/FFQcbU0gQ0

— ANI (@ANI) July 4, 2021

पुष्कर सिंह धामी हे भाजपा युवा मोर्चाचे प्रदेशाध्यक्ष राहिले आहेत. तसेच, ते आरएसएसचे जवळचे मानले जातात. पुष्कर सिंह धामी हे ऊधमसिंह नगर जिल्ह्यातील खटीमा विधानसभा मतदारसंघाचे प्रतिनिधित्व करतात. ते दुसऱ्यांदा आमदार म्हणून निवडून आले आहेत. पक्षातील तरुण आणि अभ्यासू आमदार म्हणून त्यांची ओळख आहे.

महत्वाच्या बातम्या

• ‘प्रसिद्धीसाठी १५५ कोटी खर्च ; काहीही काम न करता कसली प्रसिद्धी करता ?’
• गंगापुर तालुक्यातील जि.प. शाळा, मुख्याध्यापकाने स्वत: रंगरंगोटी करत बदलले शाळेचे रुप!
• औट्रम घाटाची माहिती सांगणारा शिलालेख सापडला, दळवळणाच्या इतिहासाची देतोय साक्ष!
• दिलासा! पीएम आत्मनिर्भर योजनेत औरंगाबादेतील २ हजार फेरीवाल्यांना मिळाले १० हजारांचे कर्ज
• पुणे शहरात २ हजार ७८३ सक्रिय कोरोना रुग्ण; तर नव्याने ‘इतक्या’ कोरोना बाधितांची भर