पुणे : राज्यातील ५ पदवीधर मतदारसंघांसाठी १ डिसेंबर रोजी मतदान प्रक्रिया होत आहे. आचारसंहिताही लागू करण्यात आली आहे. ३ डिसेंबर रोजी निवडणुकांचे निकाल जाहीर होणार आहेत. निवडणुकीसाठी 5 नोव्हेंबरपासून अर्ज दाखल करण्यास सुरुवात झाली आहे. तर अर्ज करण्याची शेवटची तारीख 12 नोव्हेंबर आहे. 13 नोव्हेंबरला आलेल्या अर्जांची छानणी होणार आहे. तसेच अर्ज मागे घेण्याची तारीख 17 नोव्हेंबर आहे.
यासाठी आता भाजपने आपली उमेदवारांची यादी जाहीर केली आहे. यामध्ये पुणे पदवीधर मतदारसंघात संग्राम देशमुख, औरंगाबाद पदवीधर मतदारसंघात शिरीष बोराळकर, नागपूर पदवीधर मतदारसंघात संदीप जोशी, अमरावती शिक्षक मतदारसंघात नितीन धांडे यांना उमेदवारी देण्यात आली आहे.
तर दुसरीकडे पुणे पदवीधर मतदारसंघातून महाराष्ट्र नवनिर्माण सेनेच्या उमेदवार म्हणून रूपाली पाटील-ठोंबरे यांच्या नावाची अधिकृत घोषणा करण्यात आली आहे. तर महाविकास आघाडीच्या वतीने अरूण लाड व उमेश पाटील यांचे नाव आघाडीवर आहेत. आता उमेदवार देण्यात भाजपने आघाडी घेतली असून महाविकासाघादीच्या उमेदवारांच्या नावांच्या घोषणेची प्रतीक्षा आहे.
महत्वाच्या बातम्या
- ‘आई माझी काळुबाई’चा वाद आता थेट उदयनराजेंच्या दरबारात
- सरकारचे नेमके काय चाललं आहे, हे मराठा समाजालाही कळू द्या?
- दिल्लीच्या विजयानंतर विरुने खास मेम शेअर करत केलं अभिनंदन !
- बिहारमधील एक्झिट पोलमुळे हुरळून जाऊ नका : जयंत पाटील
- ‘अमेरिकेप्रमाणे भारतालाही जो बायडन यांच्यासारख्या नेत्याची गरज आहे’
बातम्यांसाठी YouTube चॅनेल Subscribe करा
Subscribe Now
