औरंगाबाद : कोरोनाचा मुकाबला करण्यासाठी लसीकरणाला पर्याय नाही. त्यात दुसऱ्या लाटेनंतर तिसरी लाट येण्याची भीती आहे. त्यामुळे लवकरात लवकर लसीकरण वाढवण्यावर भर देण्यात येत आहे. मात्र, तरी देखील समाजातील अनेक घटक लस घेण्यास टाळाटाळ करत असल्याचे दिसून येत आहे. त्यामुळे एमआयएमच्या वतीने शहरातील विविध भागात पोस्टर्स लावण्यात आले आहेत. या पोस्टरमध्ये नागरिकांना लस घेण्याचे आवाहन करण्यात आले आहे.
एमआयएमच्या वतीने लावण्यात आलेल्या या पोस्टरमध्ये पक्षाचे सर्वेसर्वा असदुद्दीन ओवैसी आणि खासदार इम्तियाज जलील यांचे लस घेतांनाचे छायाचित्र वापरण्यात आले आहे. तसेच ‘आम्ही लस घेतली तुम्हीही लस घ्या’ असे आवाहनही यामध्ये करण्यात आले आहे. औरंगाबाद शहरात मोठ्या प्रमाणात मुस्लीम आणि इतर काही समाजात लसीकरणाचे प्रमाण कमी असल्याचे दिसत आहे. त्यामुळे एमआयएमच्या वतीने करण्यात आलेले हे आवाहन महत्त्वाचे ठरणार आहे.
नागरिकांचे कोरोना विषाणू पासून संरक्षण व्हावे, यासाठी हे होर्डिंग्ज लावण्यात आले असल्याचे एमआयएमच्या वतीने स्पष्ट करण्यात आले आहे. शहरातील कटकट गेट, रोशन गेट, व्ही.आय.पी. रोड आदी भागांमध्ये हे पोस्टर लागले आहेत. यामुळे औरंगाबाद शहरातील लसीकरणाचा वेग वाढल्यास त्याचा फायदाच होईल.
महत्त्वाच्या बातम्या
- आंदोलन होणारच; मुख्यमंत्र्यांच्या भेटीनंतरही संभाजीराजे आंदोलनावर ठाम !
- वैजापूरात राष्ट्रवादी काँग्रेसच्या सभापतींसह, तीन संचालकांना ‘या’ कारणामुळे नोटीसा, राजकीय वर्तुळात खळबळ!
- सुपर न्यूमररी ते युवकांवरील गुन्हे; मराठा आरक्षणाच्या बैठकीनंतर राज्य सरकारची महत्वाची भूमिका !
- आदित्य ठाकरेंच्या पुढाकाराने मुंबई, पुणे, नागपूरसह औरंगाबादचा रेस टू झिरो मोहिमेत सहभाग!
- …जेव्हा गँगस्टर नातीला खेळवतो! अरुण गवळीचा फोटो होतोय व्हायरल
बातम्यांसाठी YouTube चॅनेल Subscribe करा
Subscribe Now
