NCP | आरोप, राडा, या सर्वांनंतर घोडगंगा साखर कारखन्यावर पवारांचं राज्य

🕒 1 min read

NCP | पुणे : घोडगांगा (Ghodganga) सहकारी साखर कारखान्याच्या निवडणुकीवर संपूर्ण पुणे जिल्ह्याचं लक्ष लागलेलं होतं. या साखर कारखान्यावर राष्ट्रवादी काँग्रेसचे आमदार अशोक पवार यांचं गेल्या पाच वर्षांपासून वर्चस्व होतं. त्यांच्या या वर्चस्वाला सुरुंग लावण्यासाठी विरोधकांकडून सर्वोतोपरी प्रयत्न केले जात होते. विरोधकांकडून सत्ताधाऱ्यांवर अनेक गंभीर आरोप केले जात होते. या निवडणुकीत राष्ट्रवादी काँग्रेस (NCP) पुरस्कृत शेतकरी विकास पॅनलने दणदणीत विजय मिळवलाय.

शिरुर तालुक्यातील घोडगंगा सहकारी साखर कारखान्याच्या निवडणुकीवरुन तेथील स्थानिक राजकीय वातावरण चांगलंच तापलं होतं. या निवडणुकीच्या प्रचारादरम्यान काही ठिकाणी तणावाचं वातावरण देखील निर्माण झालं होतं. विशेष म्हणजे विरोधी पक्षनेते अजित पवार यांच्या प्रचारसभेआधी विरोधकांनी त्यांच्या सभेस्थळी लावलेल्या पोस्टर्समुळे मोठा तणाव समोर आला होता. पण या सगळ्या गदारोळानंतर अखेर राष्ट्रवादी काँग्रेस पुरस्कृत पॅनलचाच विजय झालाय.

या निवडणुकीत किसान क्रांती पॅनेलवर 20-1 राष्ट्रवादी काँग्रेस पुरस्कृत शेतकरी विकास पॅनलने असा दणदणीत विजय मिळवला आहे. त्यामुळे राष्ट्रवादी काँग्रेसचे आमदार अशोक पवार यांचे या कारखान्यावर निर्विवाद वर्चस्व कायम राहीलं आहे.

महत्वाच्या बातम्या :

• Deepak Kesarkar | अब्दुल सत्तारांचा राजीनामा घेणार?; दीपक केसरकर म्हणाले,
• Jitendra Awhad । “तुम्ही शिव्यांच्या ज्या शाळेत आहात त्याचे आम्ही मुख्याध्यापक”; जितेंद्र आव्हाडांचा सत्तारांना टोला
• Amol Kolhe । सत्तारांच्या वक्तव्यावर अमोल कोल्हेंचा निशाणा; म्हणाले, “या हीन दर्जाच्या भाषेचा…”
• Health Care Tips | सर्दी खोकल्याच्या समस्या पासून त्रस्त आहात?, तर करा हे घरगुती उपाय
• Eknath Khadse | एकनाथ शिंदेंनी अब्दुल सत्तार यांना काहीतरी शिकवावे – एकनाथ खडसे