परभणी : बुधवारी मध्यरात्री दोनच्या सुमारास पेट्रोलिंग करणाऱ्या पोलिसांनी दैठणा पोलिस ठाण्याच्या हद्दीतील सिंगनापूर परिसरात मोठ्या प्रमाणात डिटोनेटर्स जप्त केले. यात एका व्यक्तीस पोलिसांनी ताब्यात घेतले आहे. तर दैठणा पोलिस ठाण्यात गुन्हा दाखल केला आहे. या पकरणी दैठणा पोलिस अधिक तपास करत आहे.
शहर वाहतूक शाखेचे फौजदार चंद्रचूड हत्तेकर हे कर्मचारी गायकवाड, मुजीब यांच्यासह बुधवारी मध्यरात्री पेट्रोलिंग करत होते. त्यावेळी मध्यरात्री दोनच्या सुमारास सिंगनापूर शिवारात 2 व्यक्ती मोटरसायकलवरुन जाताना दिसले. त्यांनी त्या दोघांना थांबन्यास सांगितले. तर त्यावेळी ते मोटरसायकलवरील एक व्यक्ती पळून गेली. तर अन्य एकास चंद्रचुड हत्तेकर यांनी तातडीने झडप घालून पकडले. त्याच्याजवळील सामानाची झडती घेतली. त्यावेळी त्याच्याजवळ डिटोनेटरचा मोठा साठा त्यांना आढळला.
त्याची अधिक चौकशी केली असता, त्याने त्याचे नाव सुभाष दगड़ू चव्हाण असे सांगितले. पळून गेलेली व्यक्ती राजस्थानी आहे. त्याच्याबद्दल अधिक माहिती सांगितली नाही. फौजदार हत्तेकर यांनी त्यास पकडून दैठणा पोलिसांच्या ताब्यात दिले. दरम्यान, फौजदार हत्तेकर यांनी याप्रकरणी तक्रार दिली आहे. या तक्रारीमध्ये म्हटले आहे की, एमएच 19 ए- झेड 8658 या क्रमांकाच्या मोटरसायकलवरुन डिटोनेटर्स नेत असताना दोघे आढळले. मात्र एक जण फरार झाला. अन्य सुभाष दगड़ू चव्हाण यास ताब्यात घेतले. त्याच्या ताब्यातील 8 पॉकेट डिटोनेटर्सही जप्त केल्याचे म्हटले आहे. या प्रकरणी दैठणा पोलिस ठाण्यात गुन्हा दाखल केला आहे. अधिक तपास फौजदार अनिल आदोडे करत आहेत.
महत्त्वाच्या बातम्या
- रणबीर-आलियाच्या संगीतमध्ये ‘या’ गाण्यावर डान्स करणार आई नीतू कपूर ; व्हिडिओ व्हायरल
- …आणि ‘या’ माकडांना वाटतं की, ते बंगालमध्ये जिंकतील ?
- अष्टपैलू खेळाडू किरॉन पोलार्डच्या वडिलांचे निधन
- महाराष्ट्रातील घडामोडींवर कॉंग्रेस हायकमांड नाराज ? सुप्रिया सुळेंची सोनिया गांधींशी फोनवरुन चर्चा
- ‘त्यांनी साडी नेसण्याऐवजी बर्मुडा घालावा’,भाजपा नेत्याची ममतांवर वादग्रस्त टीका
बातम्यांसाठी YouTube चॅनेल Subscribe करा
Subscribe Now
