सातारचा एक खासदार कटोरा घेऊन रस्त्यावर, तर दुसरा गहू काढण्यासाठी थेट शेतात!

सातारा : लॉकडाऊन विरोधात राज्यभरात रोष व्यक्त होत असतांना राज्य शासनाने आणखी कडक निर्बंध घालण्याचे संकेत दिले आहेत. या विरोधात अनेकांनी नाराजी व्यक्त केली आहे. राज्यसभा खासदार उदयनराजे भोसले यांनी तर चक्क कटोरा समोर घेत राज्य शासनाच्या निर्णयाला विरोध केला आहे. लॉकडाऊनमुळे सर्वसामान्य व्यक्तीवर कटोरा हातात घेण्याचीच वेळ आली असल्याचा आरोप या वेळी उदयनराजे यांनी केला आहे.

सातारामधील पोवई नाका परिसरातील छत्रपती उदयनराजे यांनी गोणपाट म्हणजेच पोत टाकत त्यावर ठिय्या मांडला. इतकच नाही तर समोर कटोरा देखील ठेवलाय. राज्य शासनावर होत असलेले भ्रष्ट्राचाराचे आरोप लपवण्यासाठी राज्य सरकार लॉकडाऊन लावत असल्याचा आरोपही या वेळी उदयनराजे यांनी केला. वाझे प्रकरणातून भ्रष्ट्राचाराची नावे समोर आली आहेत. हा पैसा गरीबांना वाटायला हवा, अशी मागणी देखील त्यांनी केली.

तर दुसरीकडे वीकेंड लॉकडाऊनमुळे सातारचे खासदार श्रीनिवास पाटील यांनी स्वत:च्या शेतात गहू काढणीचे काम हाती घेतले. डोक्यावर पांढरी टोपी, पिळदार मिशी, अंगात पांढरा कुर्ता आणि जॅकेट असा पेहराव असलेले साताऱ्याचे खासदार श्रीनिवास पाटील यांचं एक वेगळं आणि सर्वसामान्य नागरिक, शेतकऱ्यांना आपलं वाटणारं रुप आज पाहायला मिळालं.खासदार श्रीनिवास पाटील यांनी विकेंड लॉकडाऊनचा सदुपयोग करत थेट गव्हाच्या रानात पाय ठेवला. इतकच नाही तर हातात विळा घेत त्यांनी गहू काढणीला मदतही केली. त्यानंतर साताऱ्यातील दोन खासदारांच्या दोन तऱ्हांची चांगलीच चर्चा रंगली आहे.

महत्त्वाच्या बातम्या 

• जालना; विकासाच्या प्रतीक्षेत असलेल्या रस्त्यांचे भाग्य उजळणार..
• म्यानमारमधील हिंसाचाराबाबत संयुक्त राष्ट्रसंघात भारताने घेतली भूमिका
• पुरस्कार मिळाल्यांनतर तापसीकडून कंगनाची स्तुती ; कंगना म्हणाली…
• जोपर्यंत देवेंद्र फडणवीस ठाकरे सरकार चालू देतील तोपर्यंतच हे सरकार चालणार : आठवले
• तुळजाभवानी मंदिर संस्थान पुजाऱ्यांना पावले, किराणा साहित्य देण्याचा निर्णय