🕒 1 min read
मुंबई : बोल्ड, ब्युटीफुल अभिनेत्री नुसरत भरुचा ही लोकप्रिय अभिनेत्रींपैकी एक आहे. लवकरच नुसरतचा ‘छोरी’ हा चित्रपट प्रेक्षकांच्या भेटीला येणार आहे. या चित्रपटाचा ट्रेलर आज प्रदर्शित झाला असून चित्रपटाचा ट्रेलर प्रेक्षकांचे लक्ष वेधत आहे.
‘लपाछपी’ या मराठी चित्रपटाचा रिमेक असलेला ‘छोरी’ मध्ये नुसरत साक्षीच्या भूमिकेत दिसणार आहे. ट्रेलर मध्ये नुसरतशी संबंधित छोरी या पिशाच्च जगाची एक झलक आणि बरचं काही पाहायला मिळणार असून प्रत्येक दृश्यागणिक प्रेक्षकांवरचा ताण वाढत जाणार आहे. यातील थरार प्रेक्षकांचा थरकाप उडवणारा आहे. ‘साक्षी स्वत:ला वाचवू शकेल का?, ती तिच्या गर्भातील बाळाला वाचवू शकेल का?’ प्रेक्षकांना पडणाऱ्या या प्रश्नांची उत्तरे प्रेक्षकांना चित्रपटात मिळणार आहेत. चित्रपटातील भूमिकेविषयी बोलताना नुसरत म्हणाली, भयपटासारख्या नव्या प्रकारच्या चित्रपटात काम करणे एकाचवेळी घाबरवणारे व उत्साहवर्धक आहे.
विशाल फुरीया दिग्दर्शित ‘छोरी’ हा चित्रपट भूषण कुमार, कृष्णन कुमार, विक्रम मल्होत्रा, जॅक डेव्हीस आणि शिखा शर्मा यांनी एकत्रित रीत्या निर्मिती केली आहे. त्यामध्ये नुसरत भरुचा, मिता वशिष्ठ, राजेश जैस, यानिया भारद्वाज आणि सौरभ गोयल यांच्या मुख्य भूमिका आहेत. हा चित्रपट अॅमेझॉन प्राईम व्हिडीओ वर भारतासहित अन्य २४० देशा-प्रदेशांमध्ये २६ नोव्हेंबर रोजी प्रदर्शित होणार असून प्रेक्षकांमध्ये चांगलीच उत्सुकता लागली आहे.
महत्वाच्या बातम्या:
- केंद्र सरकारने राज्याचे ३० हजार कोटी हडपले; नाना पटोलेंचा आरोप
- ‘शरद पवार कोणत्या तोंडाने विदर्भ दौऱ्यावर आले हेच कळत नाही’
- सरकार कर्मचाऱ्यांना निलंबनाच्या नोटीसा, सेवा समाप्तीच्या धमक्या देतंय- गोपीचंद पडळकर
- ‘आधी क्रांतीकारकांचा अपमान, आता महात्मा गांधीवर टीका, यासाठीच पद्मश्री मिळाला का?’
- एनसीबीच्या चौकशीनंतर अनन्याने पहिल्यांदाच शेअर केली अनोखी पोस्ट
