‘आता फक्त ईडीने फोन केला तरी मी हजर होईन, समन्सची गरज नाही!’

मुंबई : जवळजवळ २ आठवड्यांहून अधिक काळ ईडीला प्रतीक्षा करायला लावणारे शिवसेनेचे आमदार प्रताप सरनाईक आज सकाळी अंमलबजावणी संचालनालयाच्या (ईडी) कार्यालयात हजर झाले होते. सर्वोच्च न्यायालयाकडून अटकेपासून संरक्षण मिळाल्यानंतर सरनाईक पिता-पुत्र ईडी कार्यालयात हजर झाले.

प्रताप सरनाईक यांच्यासह मुलगा विहंग सरनाईक यांची चौकशी होणार आहे. टॉप्स सिक्युरिटी घोटाळ्याबाबत 24 नोव्हेंबर रोजी ईडीने प्रताप सरनाईक यांचे घर आणि कार्यालयावर धाडी टाकल्या होत्या. आज सरनाईक यांची तब्बल सहा तास चौकशी करण्यात आली. यानंतर त्यांनी बाहेर येताच प्रसारमाध्यमांना प्रतिक्रिया दिली आहे.

ईडीने कौटुंबिक, व्यवसायातील प्रश्न केले असता आपण सर्व उत्तर दिली असून ईडीचे समाधान झाले की नाही याची कल्पना आपल्याला नाही. मात्र, जर चौकशीसाठी पुन्हा बोलवायचंच असेल तर फक्त फोन केला तरी हजर राहीन, त्यासाठी समन्स देण्याची गरज नाही असं विधान करतानाच त्यांनी ईडीला संपूर्ण सहकार्य करणार असल्याचं सांगितलं आहे.

महत्वाच्या बातम्या 

• मी पुन्हा येणार; तृप्ती देसाईंचं शिर्डी संस्थानला आव्हान!
• ‘मेधा पाटकरांना सुपारीबाज म्हणणारे भातखळकर हे लाचार नेते’, युवक कॉग्रेसचा प्रहार
• आम्हाला माफ कर, आम्ही तुझे गुन्हेगार!; ‘त्या’ रानगव्याला पुणेकरांची अनोखी श्रद्धांजली
• …अन्यथा मुंबईत नाईट कर्फ्यू लागू करावा लागेल; आयुक्तांची मुंबईकरांना ताकीद
• शरद पवार पंतप्रधान होणार? अजित पवार म्हणतात…’माझ्या कानावर अजून काही नाही’