कोच्ची : हेल्मेट न घातल्याने अपघातप्रकरणी भरपाई कमी करण्याचा लवादाचा आदेश केरळ उच्च न्यायालयाने रद्द केला आहे. दुचाकीवर मागे बसलेल्या व्यक्तीचा अपघातात मृत्यू झाला होता. त्याने हेल्मेट न घातल्याने लवादाने भरपाईची रक्कम कमी केली होती. यानंतर मृताच्या कुटुंबीयांनी या निर्णयास उच्च न्यायालयात आव्हान दिले होते.
केरळच्या हायकोर्टाने सांगितले की, अपघातात मागे बसलेल्या व्यक्तीने हेल्मेट न घातल्याने कायद्याचे उल्लंघन केले हे खरे आहे. तरीही तरी त्याने निष्काळजीपणा केला असे म्हटले जाऊ शकत नाही. अपघातात ‘निष्काळजीपणा’ प्रत्येक प्रकरणात तथ्य आणि परिस्थितीच्या दृष्टीने ठरवला जातो. त्याने हेल्मेट घातले असते तर त्याचा जीव वाचला असता.
जीव जाईल एवढी गंभीर जखम झाली नसती. हेल्मेट न घालण्यास आपण बाइकला धडक देण्याचे कारण म्हणू शकत नाहीत. जो अपघात झाला त्यात निष्काळजीपणा होता, हे ठरवण्याची गरज आहे. पण न्यायालयाने इशारा दिला की, त्यांच्या या आदेशाला हेल्मेट न घालता गाडी चालवण्याचा परवाना समजू नये.
ही घटना ८ ऑगस्ट २००७ ची आहे. मोहंमदकुट्टी वैद्याक्करन मुलासोबत दुचाकीवर जात होते. समोरून येणाऱ्या वाहनाने त्यांच्या वाहनाला धडक दिली. अपघातात दोघे जखमी झाले. वैद्याक्करन यांचा उपचारांदरम्यान मृत्यू झाला. मृताच्या कुटुंबीयांना ३३ लाख ३७९९ रुपयांची भरपाई मंजूर झाली. पण ट्रिब्यूनलने वैद्याक्करन यांनी हेल्मेट न घातल्याने अपघातात त्यांचा निष्काळजीपणाला जबाबदार धरत भरपाईतून २० टक्के रक्कम कमी केली होती.
महत्वाच्या बातम्या
- ‘कोरोनावर राजकारण नको, त्यासाठी पुढे दिवस आहेतच’, बाळासाहेब थोरातांचा भाजपला टोला
- ठाकरे सरकारविरोधात नाभिक समाजबांधवांचे मुंडण आंदोलन
- चिंताजनक! देशात सर्वाधिक कोरोना संसर्ग नाशिकमध्ये
- सार्वजनिक ठिकाणे निर्जंतुकीकरण करण्यासाठी हायकोर्टात याचिका
- ‘बंगालमध्ये मोदी सरकारकडून फोन टॅपिंग’, ममतांचा गंभीर आरोप
