मुंबई : लॉकडाऊनच्या काळात मराठी चित्रपटसृटीला जे काही नुकसान सहन करावे लागले होते. परंतू आता राज्य सरकारने सगळीकडचे निर्बंध घालवले आहेत. त्यामुळे आता मराठी चित्रपटसृष्टी आणि त्याचबरोबर सर्व मराठी कलाकार पुन्हा एकदा प्रेक्षकांचे मनोरंजन करण्यासाठी सज्ज झाले असल्याचं पाहायला मिळतं आहे. सध्याच्या काही दिवसांमध्ये अनेक मराठी चित्रपट प्रदर्शित झाले आहेत.
आपल्याला माहित आहे की, कलाकार आजकाल आपल्या सोशल मीडिया आकाऊंटवर खूप क्टिव्ह असतात. त्यावरून ते आपल्या प्रोफेशन आयुष्याबद्दलचे अपडेट्स आपल्या चाहत्यांना ते देत असतात. अशातच मराठी चित्रपटसृष्टीमध्ये अभिनेता, लेखक, दिग्दर्शक अशा अनेक कामांसाठी स्वत:ची एक वेगळी ओळख निर्माण कराणाऱ्या प्रविण तरडेंनी अशीच एक आपल्या फेसबुक आकाऊंंटवरून माहिती शेअर केली आहे.
प्रविण तरडेंने शेअर केलेली पोस्ट दुसरी-तिसरी कोणती नसून एका मराठी चित्रपटाची आहे. त्या चित्रपटाचे नाव ‘धर्मवीर मुक्काम पोस्ट ठाणे’ असं आहे. ही पोस्ट शेअर करताना तरडेंनी एक कॅप्शनही लिहिलं आहे. त्यामध्ये त्यांनी लिहिले की, “सगळेच राजकारणी सारखे नसतात काही ‘आनंद दिघे‘ असतात. एका धगधगत्या अग्निकुंडाची चरित्रगाथा मोठ्या पडद्यावर.”
तसेच, ‘धर्मवीर मुक्काम पोस्ट ठाणे’ या चित्रपटाचा ट्रेलर नुकताच प्रदर्शित झाला आहे. हा चित्रपट एका शिवसैनिक आनंद दिघे यांच्या जीवनावर अधारित असून, चित्रपट येत्या 13 मे 2022 रोजी सर्वत्र प्रदर्शित होणार आहे. या चित्रपटामध्ये मुख्य भूमिका अभिनेता प्रसाद ओकने साकारलेली असल्याचं पाहायला मिळतं आहे. त्याचप्रमाणे या चित्रपटाचा ट्रेलर पाहताच अनेकाजण या चित्रपटाची आतुरतेने वाट पाहात आहेत.
महत्वाच्या बातम्या :
