बीड: राज्यात सर्वत्र कोरोनाचे रुग्ण मोठ्या संख्येने वाढत आहेत त्यामुळे राज्यात कडक निर्बंधांसह संचारबंदी लागू करण्यात आली आहे. गर्दी होऊ नये व त्यातून रुग्णसंख्या वाढू नये या साठी मंदिरे देखील बंद ठेवण्यात आले आहेत. बुधवारी रामनवमी उत्सव म्हणजेच राम जन्मोत्सव देशभरात मोठ्या प्रमाणात साजरा केला जातो, मात्र कोरोनाच्या पार्श्वभूमीवर यंदा हा उत्सव घरात साधेपणानेच करण्यात येणार आहे.
साडेपाचशे वर्षांची परंपरा असलेल्या तालुक्यातील युसूफवडगावातील जन्मोत्सव सोहळा अगदी साधेपणाने होणार आहे. मंदिरे बंद असल्याने गावातील सप्ताह, पालखी मिरवणूक, बैलगाड्या ओढल्या जाणार नसल्याने या वर्षीही खंड पडला आहे. बुधवारी दुपारी ग्रामस्थ घरोघरी प्रभू रामजन्मोत्सवाच्या वेळी गुलाल व फुले उधळून साधेपणाने उत्सव साजरा करणार आहेत.
युसूफवडगावात असलेल्या पुरातन मंदिरात प्रभू रामचंद्र, सीता माता, लक्ष्मण, भरत, शत्रुघ्न, आणि मारुती या देवतांच्या पंचधातूंच्या मूर्ती असल्याने या मंदिराला रामपंचायतन म्हणून ओळखले जाते. गावातून रामचंद्रांची पालखीतून मिरवणूक काढण्याची परंपरा आहे. ही मिरवणूक गावातील मंदिराजवळ आल्यावर दुपारी दोन वाजता रामभक्त गणपतराव घायाळ १२ बैलगाड्या ओढत असतात. ही परंपरा येथील ग्रामस्थांनी मागील ५५० वर्षांपासून गावात रुजवली. मात्र, मागील वर्षीही प्रमाणेच कोरोनाच्या संकटामुळे यंदाही मंदिर बंद राहणार असून येथे भरणारी यात्रा, उत्सव व इतर कार्यक्रम होणार नाहीत.
युसूफवडगावचा रामजन्म सोहळ्यात होणारा महाप्रसादाचा कार्यक्रम, छबिना पालखी मिरवणूक, १२ बैलगाड्या ओढणे असे धार्मिक कार्यक्रम कोरोनामुळे बंद असणार आहेत. बुधवारी रामजन्मोसव घरीच साध्या पद्धतीने होणार आहे. हा राम जन्मसोहळा सोशल मीडियावरून लाइव्ह केला जाणार असल्याची माहिती श्रीधर सीताराम बुवा रामदासी यांनी दिली.
महत्वाच्या बातम्या
- पराभवानंतर गुणतालीकेत स्थान न गमावता मुंबई इंडियन्सला बसला ‘असाही’ फटका
- मुंबई इंडियन्सला पुन्हा भोवले फलंदाजाचे अपयश; दिल्लीपुढे ठेवले माफक आव्हान
- सामन्याच्या दुसऱ्या डावात रोहित मैदानात नसल्याचे खरे कारण आले समोर
- कॅपीटल्स पडले पलटनवर भारी; अटीतटीच्या सामन्यात दिल्लीचा मुंबई इंडियन्सवर ६ गडी राखुन विजय
- परभणीच्या महसूल विभागातील सर्व सुनावण्या बंद राहणार : जिल्हाधिकारी दीपक मुगळीकर
