‘माझ्या बायोपिकमध्ये नीरज चोप्रा मुख्य भूमिकेत असावा’; अक्षय कुमारने व्यक्त केली इच्छा

🕒 1 min read

मुंबई : ऑलिम्पिक स्पर्धेतील भालाफेक स्पर्धेत भारताच्या नीरज चोप्राने पहिल्याच प्रयत्नात अंतिम फेरीत धडक मारली होती. यासह नीरज चोप्राकडून सुवर्ण पदकाची आशा लागली होती. त्याने भारतीयांची आशा पूर्ण केली. आणि शनिवारी नीरज अंतिम फेरी खेळला आणि त्याने भारताला सुवर्ण पदक मिळून दिले. पुरुष भालाफेक स्पर्धेत ८३.५० मीटरपर्यंत भाला फेकणाऱ्या किंवा यापेक्षा कमी कामगिरी करणाऱ्या सर्वोत्तम १२ खेळाडूंना अंतिम फेरीत प्रवेश दिला जातो.

बुधवारी पार पडलेल्या अ गटाच्या पात्रता फेरीत नीरजने ८६.६५ मीटरपर्यंत भाला फेकत थेट अंतिम फेरीत धडक मारली. नीरजने ८३.५० पेक्षा अधिक लांब भाला फेकत अंतिम फेरीत आपलं स्थान निश्चित केलं होते. दरम्यान त्याने सर्वोत्तम थ्रो ८७.५८ मीटरचा केला. आणि भारताला तब्बल १३ वर्षानंतर सुर्वण पदक मिळाले. त्यमुळे नीरजवर सध्या सर्वच स्तरातून कौतुक होत आहे. त्यानंतर सध्या नीरज चोप्राच्या बायोपिकमध्ये कोणता अभिनेता असणार  याबाबत सोशल मिडियावर प्रचंड चर्चा आहे. मात्र स्वतः नीरजने त्याच्या बायोपिकसाठी कोणत्या अभिनेत्याला पाहायला आवडेल हे सांगितले.

यावर नीरज चोप्राने एका माध्यमाला दिलेल्या मुलाखतीत प्रतिक्रिया देत सांगितले की, ‘माझ्या बायोपिकमध्ये मला हरियाणाचा रणदीप हुड्डाला पाहायला आवडेल. बॉलिवूडमधून अक्षय कुमारही मला खूप आवडतो’, असं नीरज चोप्राने यावेळी सांगितले. त्यानंतर आता अक्षय कुमारने याबाबत प्रतिक्रिया दिली आहे. एका मुलाखतीत अक्षय म्हणाला की, ‘लोक चर्चा करत आहेत की मी आतापासूनच बायोपिकसाठी सराव करण्यास सुरुवात केली आहे. हे ऐकून मला हसू अनावर झाले होते.’ तर पुढे अक्षयने त्याच्या बायोपिकविषयी इच्छा व्यक्त करत म्हणाला की, ‘नीरज चोप्रा गूड लूकिंग आणि हॅण्डसम आहे. माझ्यावर एखादा बायोपिक आलाच तर नीरज चोप्रा मुख्य भूमिकेत असेल’ असे अक्षय म्हणाला.

It’s a GOLD ????Heartiest Congratulations @Neeraj_chopra1 on creating history. You’re responsible for a billion tears of joy! Well done #NeerajChopra! #Tokyo2020 pic.twitter.com/EQToUJ6j6C

— Akshay Kumar (@akshaykumar) August 7, 2021

दरम्यान, नीरजच्या यशानंतर अभिनेता अक्षय कुमारने ट्वीट करत लिहिले की, हे गोल्ड आहे. या ऐतिहासिक विजयासाठी मनापासून शुभेच्छा नीरज चोप्रा. तू त्या सर्व आनंदाच्या अश्रूसाठी जबाबदार आहे. शानदार, असे म्हणत नीरज चोप्राचे मनापासून कौतुक केले होते.

महत्त्वाच्या बातम्या

• ‘राज्यातील मंदिरे अद्याप उघडणार नाहीत, थोडी वाट पहावी लागेल’- राजेश टोपे
• व्यवसायिक आस्थापनांना लागणार पूर्ण शुल्क, गुंठेवारी कक्षातील अधिकाऱ्यांची माहिती 
• ऑलिम्पिक विशेष! सप्तपदक मंडळातील दुसरी शिलेदार ‘पी व्ही सिंधु’
• ‘दोन डोस झाले असतील तर आता मंत्रालयात जाणार का?’; भाजपचा मुख्यमंत्र्यांवर निशाणा
• ‘महाराष्ट्र भूषण पुरस्कार म्हणजे घरच्यांकडून झालेले कौतुक’; पुरस्कार जाहीर झाल्यानंतर आशा भोसलेंच्या भावना