माझ्या मुलांना धनंजय यांनी लपवून ठेवले, करुणा मुंडेंच्या तक्रारीने खळबळ

🕒 1 min read

मुंबई : अत्याचाराच्या आरोपामुळे काही दिवसांपूर्वी राष्ट्रवादीचे मंत्री धनंजय मुंडे अडचणीत आले होते. काही दिवसानंतर त्या महिलेने तक्रार मागे घेतल्याने काहीसे रिलॅक्स झाले होते. या दरम्यान त्यांनी विविध दौरेही केले. मात्र, मुंडे हे पुन्हा एकदा अडचणीत येण्याची शक्यता आहे. कारण आपल्या मुलांना चित्रकूट या बंगल्यावर डांबून ठेवण्यात आले असल्याची तक्रार करुणा धनंजय मुंडे यांनी पोलीस आयुक्तांकडे केली आहे. त्याचबरोबर करुणा धनंजय मुंडे नामक फेसबूक अकाउंटवरूनही अशाच प्रकारचा मजकूर पोस्ट करण्यात आला आहे.

https://www.facebook.com/karunadhananjay.munde.1/posts/161495772450411

धनंजय मुंडे यांची दुसरी पत्नी करुणा यांनी बुधवारी मुंबई पोलीस आयुक्तांकड़े मुंडेविरोधात तक्रार केली आहे. त्यात, गेल्या तीन महिन्यापासून मुंडे यांनी त्यांच्या दोन मुलांना चित्रकूट येथील त्यांच्या बंगल्यात डांबून ठेवल्याचा आरोप त्यांनी केला आहे. यात १४ वर्षाची मुलीचाही समावेश असून, ती सुरक्षित नसल्याचेही तक्रारीत नमूद केले आहेत. शिवाय, पोलिसांनी सहकार्य न केल्यास २० फेब्रूवारीपासून आमरण उपोषणाचा इशाराही त्यांनी दिला आहे.

करुणा यांनी पोलीस आयुक्तांना दिलेल्या अर्जामध्ये म्हटले आहे की, माझे पती धनंजय मुंडे यांनी गेल्या तीन महिन्यापासून दोन मुलांना त्यांच्या चित्रकूट बंगल्यात लपून ठेवले आहेत. मला त्यांच्याशी भेटू देत नाही. २४ जानेवारी रोजी मुलांची भेट घेण्यासाठी बँगल्यावर जाताच, मुंडे यांनी ३० ते ४० पोलिसांना बोलावून मला हाकलून लावले.

बंगल्यावर माझी मुले सुरक्षित नाही. त्यात १४ वर्षाच्या मुलीचाही समावेश असून महिला केअरटेकरही नाही. मुंडे त्यांच्यासमोर अश्लील वर्तन करतात. माझ्या मुलांसोबत काही चुकीचे झाल्यास त्याला मुंडे जबाबदार असणार आहेत. जर माझ्या मुलांसोबत माझी भेट घालून दिली नाही तर २० फेब्रुवारीपासून आमरण उपोषणाला बसणार आहे. त्यामुळे चित्रकूट बंगल्यासमोर किंवा मंत्रालय आणि आजाद मैदान येथे उपोषणासाठी परवानगी द्या आणि मुंडे यांच्यावर कठोर करावाई करा अशी विनंतीही त्यांनी केली आहे.

महत्वाच्या बातम्या

• रिहानाविरुद्ध आता बॉलीवूडचा खिलाडी, सिंघम मैदानात, गैरसमज पसरवणाऱ्यांनाही सुनावले खडे बोल
• रिहानाच्या ट्विटवर राहुल गांधींनी दिली ‘ही’ प्रतिक्रिया, दिल्लीतील फौजफाट्यावरून मोदींवर टीका
• रस्ता रोको किंवा इतर विरोध प्रदर्शनात सहाभागी झाल्यास सरकारी नोकरी मिळणार नाही
• ‘तू शांत रहा, आम्ही तुझ्यासारखे मुर्ख नाही’; जगप्रसिद्ध पॉपस्टारला कंगनाच प्रतिउत्तर !
• शरजील उस्मानीवर कारवाई करण्याच्या मागणीसाठी चंद्रकांत पाटलांचे थेट योगींना पत्र