मुंबई : विधानपरिषदेचे विरोधी पक्षनेते प्रविण दरेकर (Pravin Darekar) यांच्यावर मुंबै बँकेतील बोगस मजूर प्रकरणी गुन्हा दाखल करण्यात आला आहे. दरम्यान, दरेकरांच्या अटकपूर्व जामीन अर्जावर आज (१२ एप्रिल) हायकोर्टात सुनावणी होणार असून यापूर्वी सत्र न्यायालयाने त्यांचा अटकपूर्व जामीन अर्ज फेटाळला होता.
काही दिवसांपूर्वी प्रविण दरेकर यांची मुंबई पोलिसांनी चौकशी केली होती. त्यावेळी दरेकर यांनी आपल्यावरील आरोप फेटाळून लावले असून सरकार सूडबुद्धीने कारवाई करत असल्याचे म्हटले. तसेच पोलिसांना पूर्ण सहकार्य करण्याची आमची तयारी असल्याचेही दरेकर म्हणाले.
दरम्यान, आम आदमी पक्षाचे नेते धनंजय शिंदे (Dhananjay Shinde) यांच्या तक्रारीवरुन दरेकरांवर गुन्हा नोंदवण्यात आला असून मजूर नसतानाही याच प्रवर्गातून मुंबै बँकेच्या संचालकपदाची निवडणूक लढवून सुमारे २० वर्षे सरकारची फसवणूक केल्याचा आरोप दरेकर यांच्यावर आहे. मुंबै बँकेची निवडणूक झाली त्यावेळी मजूर म्हणून प्रविण दरेकर यांनी आपला उमेदवारी अर्ज भरला होता. त्यामुळे दरेकरांनी बँकेच्या हजारो ठेवीदारांची फसवणूक केल्याचा आरोप आम आदमी पक्षाने केला होता.
महत्त्वाच्या बातम्या –
- “कुमार आदित्यजी ठाकरे आम्ही राजसाहेबांचे…”, ‘मनसे’चा टोला
- “मद्यधुंद अवस्थेतील काही लोक…”, सिल्व्हर ओक हल्ल्याप्रकरणी अमोल मिटकरींचे मोठे वक्तव्य
- “दंगल पेटवायचीच असेल तर अगोदर स्वतःच्या मुलाला…”, सुजात आंबेडकरांचे राज ठाकरेंना खुले आव्हान
- “एकत्र येऊन शरद पवारांच्या पाठीशी उभं राहावं लागेल”, अमोल मिटकरींचे आवाहन
- “दंगल पेटवणारे सहसा उच्चवर्णीय, उच्चवर्गीय ब्राम्हण असतात”, सुजात आंबेडकरांचे विधान
