पेशावरला नमवत मुल्तानने पहिल्यांदाच पटकावले पीएसएल स्पर्धचे विजेतेपद

🕒 1 min read

मुंबई : गुरुवारी झालेल्या पीएसएल स्पर्धेतील अंतिम सामन्यात मुल्तान सुल्तानने पेशावर संघाचा 47 धावांनी पराभव करत पहिल्यांदा पीएसएल स्पर्धेचे जेतेपद पटकावले आहे. मुल्तानने दिलेल्या 206 धावांचा पाठलाग करताना पेशावरला केवळ 159 धावांची मजल मारता आली. वादळी अर्धशतक करणाऱ्या शोएब मकसुदला सामनावीराच्या पुरस्काराने सन्मानीत करण्यात आले.

पाकिस्तान प्रिमीअर लीग स्पर्धेच्या या अंतिम सामन्यात पेशावर संघाने नाणेफेक जिंकत प्रथम गोलंदाजी करण्याचा निर्णय घेतला. मुल्ताने संघाने 8 षटकातच 68 धावांची अर्धशतकी सलामी देत पेशावर संघाचा हा निर्णय चुकीचा ठरवला. निर्धारीत 20 षटकात मुल्तान संघाने 4 गडी गमावत 206 धावांची मजल मारली. मुल्तानकडुन शोएब मकसुदने 35 चेंडुत 6 चौकार आणि 3 षटकारासंह नाबाद 65 धावांची वादळी खेळी साकारली. रिले रसौने त्याला चांगली साथ देत अवघ्या 21 चेंडुत 5 चौकार आणि 3 षटकारासंह 50 धावा केल्या.

What a way to win your first title! @MultanSultans were dominant with both bat and ball! The team from the city of saints was blessed tonight! #HBLPSL6 | #MatchDikhao | #MSvPZ pic.twitter.com/peh4v87g0E

— PakistanSuperLeague (@thePSLt20) June 24, 2021

प्रत्युत्तरात पेशावर संघाने 6 षटकांत 42 धावांची सलामी दिली. मात्र यानंतर कालातंराने गडी बाद होत गेल्याने निर्धारीत 20 षटकात पेशावर संघाने 9 गडी गमावत 159 धावांची मजल मारली. यासह मुल्तान संघाने पहिल्यांदाच पाकिस्तान प्रिमीअर लीग स्पर्धेचे विजेतेपद पटकावले. शोएब मलिकने पेशावर संघाकडुन 28 चेंडुत 3 चौकार आणि 3 षटकारासंह सर्वाधिक 48 धावांची खेळी साकारली. तर मुल्तान संघाकडुन इम्रान ताहीरने सर्वाधीक 3 गडी बाद केले. वादळी अर्धशतकासाठी शोएब मकसुदला सामनाविराच्या पुरस्काराने सन्मानीत करण्यात आले.

महत्वाच्या बातम्या

• सावधान! मुंबई, ठाण्यात बोगस लसींचा सुळसुळाट, ५ जणांविरोधात गुन्हा दाखल
• महाराष्ट्राने काढला पहिला नंबर ; आतापर्यंत ‘इतक्या’ कोटी लोकांचे झाले लसीकरण
• अनिल देशमुखांना १० बार मालकांनी चार कोटी रुपये दिले ;EDची माहिती
• राज्यात आज १०,१३८ रुग्ण कोरोनामुक्त तर ‘इतक्या’ नव्या रुग्णांची नोंद
• कौतुकास्पद! औरंगाबादकरांची ‘माझी स्मार्ट बस’ देशात पहिली