मोदींकडून ‘रडी’चा डाव! भावूक झाल्यानंतर ‘या’ व्हिडिओने केली मोदींची पोलखोल

🕒 1 min read

नवी दिल्ली : पंतप्रधान नरेंद्र मोदी यांनी नुकतेच कोरोना संकटाच्या पार्श्वभूमीवर आपला लोकसभा मतदारसंघ असलेल्या वाराणसीतील डॉक्टरांशी संवाद साधला. व्हिडीओ कॉन्फरन्सिंगद्वारे साधलेल्या या संवादादरम्यान मोदींना भावना अनावर झाल्या. कोरोनाने झालेल्या मृत्यूंमुळे मोदी भावूक झाले असल्याचे यावेळी पाहायला मिळाले आहे. कोरोनाशी दोन हात करताना आपण या लढाईत अनेक जवळच्या लोकांना गमावलं आहे, असं मोदी म्हणाले. डॉक्टरांसोबत बोलताना मोदींचा हुंदका दाटला होता.

दरम्यान, यानंतर आता मोदींच्या भाषणाचा जुना व्हिडीओ व्हायरल होत आहे. काँग्रेसच्या माजी केंद्रीय मंत्र्यानं त्यांच्या ट्विटर अकाऊंटवरून मोदींच्या गुजरातमधील एका भाषणाचा काही भाग शेअर केला आहे. गुजरातमधील सूरत या ठिकाणी पंतप्रधान मोदींनी २०१९ मध्ये एका सभेला मार्गदर्शन केले होते. यावेळचा हा व्हिडिओ आहे. या व्हिडिओत मोदी हे ‘रडत राहणं काहींचा स्वभाव असतो. माझा न रडण्यावर विश्वास आहे, ना रडवण्यावर विश्वास’ असं म्हणताना दिसत आहेत.

कुछ लोगों का स्वभाव होता है रोते रहना, न मेरा रोने में विश्वास है न रुलाने में – नरेंद्र मोदी

कल फिर घड़ियाली आंसू क्यों बहाए ?
देश की जनता जानना चाहती है ।#ModiStopCrying_RepealLaws #CrocodileTears #CrocodileTearsModi@INCIndia @INCMP @RahulGandhi @OfficeOfKNath @digvijaya_28 pic.twitter.com/xzelj8BXmS

— Arun Subhashchandra Yadav (@MPArunYadav) May 22, 2021

काँग्रेसचे नेते आणि माजी केंद्रीय मंत्री अरूण यादव यांनी त्यांच्या ट्विटर अकाऊंटवरून हा व्हिडीओ शेअर केला आहे. ‘रडत राहणं काहींचा स्वभाव असतो. माझा न रडण्यावर विश्वास आहे, ना रडवण्यावर विश्वास आहे असं नरेंद्र मोदी म्हणत आहेत. मग त्यांनी मगरीचे अश्रू का काढले. देशाच्या जनतेला याचं उत्तर हवं आहे’ असं ते म्हणाले.

त्यापूर्वी आम आदमी पार्टीने जारी केलेल्या अधिकृत पत्रकामध्ये संजय सिंह यांनी पंतप्रधान नरेंद्र मोदींबद्दल व्यक्त केलेली शक्यता खरी ठरली आहे. राज्यसभेतील आपचे खासदार असणाऱ्या संजय सिंह यांनी १७ एप्रिलच्या एका मुलाखतीमध्ये व्यक्त केलेलं भाकित २१ मे रोजी खरं ठरलं, असं आपने म्हटलं आहे.

जो 17 अप्रैल को बोला था
21 मई को सच हो गया।
देश को एक संवेदनशील नेक दिल इंसान चाहिये
ढोंगी प्रधानमंत्री नही जो खुद रैली करके कोरोना फैलाए और बाद में रोने का नाटक करे। pic.twitter.com/lDvQQmvlmw

— Sanjay Singh AAP (@SanjayAzadSln) May 21, 2021

१७ एप्रिल रोजी दिलेल्या मुलाखतीमध्ये संजय म्हणाले होते की, ‘अजून थोडा दिवस वाट पाहा. ते (पंतप्रधान मोदी) तुमच्यासमोर येतील. ते फक्त त्यांच्या लाईट्स आणि कॅमेरासाठी वाट पाहत आहेत. ते टीव्हीवर रडतील आणि देशभरातील वृत्तवाहिन्या पंतप्रधान कशापद्धतीने भावूक झाले आणि रडू लागले यासंदर्भातील बातम्या चालवतील,” असं म्हटलं होतं.

महत्त्वाच्या बातम्या

• छोट्या व्यापाऱ्यांच्या मदतीला धावले खा.जलील, ‘व्यापाऱ्यांवरील कारवाई मागे घ्या, अन्यथा..’
• ‘दहा कोटी द्या, अन्यथा नांदेडचे कलेक्टर ऑफिस उडवून टाकेल!’
• ‘केंद्रावरील आरोपांबाबत कार्यकारी संचालकांचे वक्तव्य कंपनीचे नाही’, सीरम इन्स्टिट्यूटचा खुलासा
• नांदेडच्या महिलेला फेसबूकवरील मैत्री पडली महागात, अमेरिकेतील दोघांनी लाखोंना फसवले
• आरोग्यमंत्र्यांच्या आक्षेपानंतर रामदेव बाबा नरमले, ‘ते’ वक्तव्य घेतले मागे